DILI, (timorpost.com) — Komandante Jerál Polísia Nasionál Timor-Leste (PNTL), Komisáriu Jerál Polísia, Henrique da Costa, orienta komadante munisípiu alerta ba komunidade atu labele harii prezépiu taka estrada ne’ebé bele defikulta movimentu ema no transporte nian.
“Ita akompaña no hatene katak, ita aviza ona ba bairru sira atu nune’e hodi hari prezépiu labele mai taka iha estrada”, Komandante Jerál PNTL, Komisáriu Jerál Polísia, Henrique da Costa, informa ba jornalista iha Kuartel Jerál PNTL, Kaikoli, Tersa, (05/12/2023).
Komandante Jerál mós orienta ona ba membru polísia sira tantu iha Dili no munisípiu sira atu kontinua halo seguransa iha ida-idak nia área para joven sira, povu tomak tenke kumpre no harii prezépiu karik dook husi estrada atu nune’e labele hamosu engrafamentu to’o ema la’o ain mós labele.
“Ita sei kontrola nune’e labele harii prezépiu taka fali dalan públiku ka labele besik liu hodi kria fali engrafamentu, no impede ema la’o ain sira”,nia hatete.
Nia hatutan “OPS (Ofisiál Polísia Suku) sira nafatin fó hanoin ba xefe bairru no lider komunitáriu sira atu organiza sira-nia joven halo prezépiu ho tuir espasu”.
PNTL mós banku joven sira kria grupu no hemu tua iha prezépiu, bainhira polísia hetan mak sei halo atuasaun no foti medidas rigurózu hasoru joven sira.(*)
853 total views, 3 views today
Bele hare Video Seluk :