DILI, (timorpost.com) — Governu Timor-Leste liuhosi Autoridade Protesaun Sivíl (APS) prontu ona hodi apoiu Asosiasaun Nasaun Sodestiku Asian (ASEAN, sígla Inglés) bainhira mosu dezastre naturál ka kalamidade akontese iha nasaun membru sira.
“Agora daudauk Timor-Leste sai hanesan observadór, mais Timor-Leste iha komitmentu boot atu apoiu nasaun ASEAN sira, kuandu bainhira mosu dezastre, maske nia valor ki’ik, mais importante mak solidaridade Timor-Leste nian ba nasaun viziñu sira”, Sekretáriu Estadu Protesaun Sivíl (SEPS), Domingos Mariano Reis, hato’o ba Timor Post hafoin ekontru ho reprezentante Badan Nasional Penanggulangan Bencana (BNPB) Repúblika Indonézia iha edifísiu SEPS, Kaikoli, Tersa, (05/12/2023).
Nia hatutan, Timor-Leste iha ASEAN, envolve asisténsia umanitária ASEAN nian iha Jakarta, maibé bainhira nasaun membru ASEAN nian afeita husi dezastre Timor-Leste mós sei hola parte hodi apoiu, maske Timor-Leste daudauk ne’e sei sai observadór iha organizasaun rejionál refere.
Governante ne’e hatete, esforsu ne’ebé Estadu halo, liuliu Prezidente Repúblika, Priméiru Ministru, Ministru Negósiu Estranjéiru no Kooperasaun (MNEK) daudauk ne’e halo esforsu tomak atu aselera para Timor-Leste adere ASEAN nian.(*)
1,443 total views, 9 views today
Bele hare Video Seluk :
Subscribe to Timorpost
