ADVERTISEMENT

PNTL Halo Diálogu ho Komunidade Balibar

Mario da Costa - Defesa no Seguransa
Jornalista : Beatriz Belo
Editor : Mário da Costa
  • Share
PNTL, Autoridade Lokál, ONG Belun, diálogu ho komunidade Balibar, Kinta (10/11), Imajen TP/Beatriz Belo.

DILI (timorpost.com) – Polisia Nasional Timor-Leste (PNTL), husi Eskuadra Polisia Kristu Rei hamutuk ho autoridade lokál ho ONG Belun diálogu ho komunidade iha suku Balibar, Postu Administrativu Kristu Rei, Munisípiu Dili, relasiona konfrontu entre grupu Joven sira iha Dare.

Komandante Eskuadra Polisia Kristu Rei, Inspetor Polisia Duarte Abilio, hatete konfrontu ne’ebé akontese iha loron (03/11) iha Fatunaba, Suku Dare rezulta joven ida lakon vida, tanba ne’e realiza diálogu ho komunidade sira iha Balibar, atu evita labele hadaet ba iha suku sira seluk.

ADVERTISEMENT
SCROLL FILA BA NOTISIA


“Konfrontu iha area Fatunaba, suku Dare ne’e akontese iha semana kotuk, rezulta joven ida mate, tanba ne’e, ami-nia Ofisiál Polisia Suku (OPS), iha suku Balibar ko’alia ho autoridade lokál atu diálogu ho komunidade no joven iha suku Balibar,” nia hateten hafoin diálogu ho komunidade iha suku Balibar, Kinta (10/11).

Lee Mós :
Ema Deskoñesidu Sona EFP iha Uma Oin

Nia dehan, atividade ohin halo diálogu ne’e ho Suku Balibar, hanesan parte ida halo prevensaun ba konflitus ne’ebé akontese ona, tanba joven sira halo problema asaltu malu halo inan-aman ho komunidade sira mak sai vítima.

“Diálogu ne’ebé ita halo iha ne’e, maioria ita-nia komunidade sira partesipa ho di’ak tebes, atu bele minimiza ka reduz problema ne’ebé akontese iha suku Dare labele daet mai iha suku Balibar, liuliu iha postu administrativu Kristu Rei tomak,” nia hateten.

Nune’e mak, Komandu PNTL Munisípiu Dili, iha hanoin ida hamutuk ho polisia komunitariu sira halo diálogu ho komunidade sira iha suku ho aldeia iha area juridiku Munisípiu Dili, atu evita konflitu.

“Diálogu ida ne’e, la’ós ami mesak, maibé servisu hamutuk ho NGO Belun, autoridade lokál no administradór postu sira atu halo diálogu ne’e fó hanoin ba komunidade tenke hakmatek, atu nune’e bele halo atividade ho situasaun hakmatek labele iha impedementu,” nia informa.

Lee Mós :
UPM Hala’o Espozisaun ba Ekipamentu no Dokumentasaun

Nia konta, konfrutus foin lalais akontese iha area fatunaba, suku dare, ida ne’e la’ós ema hotu envolve, maibé ema individual mak halo problema ikus mai komunidade no  inan-aman sai vítima.

“Ami nu’udar seguransa ba Nasaun ida ne’e, PNTL prontu 24 oras responde ba situasaun saida mak akontese iha area juridiku Dili nian,” nia hakotu.

Iha fatin hanesan, Administradór Postu Kristu Rei, Venancio Tavares, hatete diálogu ida ne’e la signifika komunidade no joven iha suku Balibar mak ba halo problema ida ne’e laiha, maibé problema ne’e akontese iha Suku Dare nian evita labele hadaet ka akontese iha suku sira seluk.

“Ha’u ho autoridade lokál ami tenke halo diálogu para tun direta mai haree, ita-nia komunidade iha balibar sira livre ka lae, tanba informasaun dehan akontese konfrontu iha suku Dare halo sira sai vítima, tanba ne’e mak ami mai ko’alia ho sira atu evita labele akontese tan,” nia hateten.

Lee Mós :
PNTL Baukau, Menus Fasilidade Rekursu Material

Tanba ne’e, PNTL husi Eskuadra Kristu Rei ho estrutura tomak hamutuk ho ONG Belun sira mai fó hanoin ba komunidade, inan-aman no joven sira, atu halo prevensaun no labele envolve iha problema ne’ebé ema seluk halo ona.

“Ami hanesam autoridade lokál hamutuk ho ami-nia seguransa ami mai fó hanoin ba ita-nia komunidade oinsá halo prevesaun labele envolve iha problema ne’ebé akontese ona,” nia hakotu.

 1,494 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PNTL Halo Diálogu ho Komunidade Balibar” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No