(Reportajen Cesaltina Ximenes/Editor Mateus da Cruz)
DILI—Hafoin Tribunal realiza Julgamentu Primeiru Interrogatóriu ba arguidu AF tanba oho sidadaun na’in rua iha Likisá, daudaun ne’e akuzadu detein ona iha prizaun preventiva.
“Detidu ne’e lori mai iha loron Sábadu (09/04) foin lalais ba krime Omisídiu iha Likisá, oras nee nia detein iha prizaun Bekora nu’udar prezu preventiva,” dehan diretór nasionál estabelesimentu prizional Bekora, João Domingos, Segunda (11/04).
Nia dehan, detidu ne’e sira detein iha loron Sábadu (09/04) semana foin lalais hafoin hetan desizaun hosi Tribunal distritál Dili, tanba iha indísiu ba krime Omisídiu Simples.
Enkuantu, kona bá Arguidu ne’e nia kondisaun mental, parte Prizaun Bekora fó ona informasaun ba pesoál Psikolojia oinsá atu bele halo assessment ba dadur refere nia kondisaun tanba sei iha deskonfia iha moras mental.
Hafoin parte sira halo observasaun maka identifika iha indikasaun ba moras mental, entaun tuir lei parte prizaun sei halo tratamentu espesiál ba arguidu ne’e.
“depois ha’u informa fali ba ita boot sira mídia, tanba daudaun ne’e ami sei konfirmasaun ba espesializa psikolojia, atu bele halo observasaun ba nia kondisaun, hosi ne’e kuandu iha indikasaun ruma mak ita sei halo tratamentu espesiál ba nia tuir lei haruka,” nia dehan.
Entretantu, hosi parte seluk liu hosi diresaun seksaun sentrál TDD nian konfirma katak prosesu Julgamentu ba arguidu ne’e prezide hosi juis Ana Paula. Juis ne’e aplika medida koasaun prizaun preventiva tanba iha indísiu krime forte arguidu komete duni krime omisídiu Simples ne’ebé previstu iha artigu 138 husi kódigu Penal.
Tribunal haree katak prosesu julgamentu ne’e arguidu hili direitu nonook tanba ne’e Tribunál entende katak faktu sira ne’e los hotu.
Kazu ne’e Ministériu Públiku reprezenta husi Prokuradór Napoleão Soares promove arguidu ho krime rua omisídiu Simples ne’ebé previstu iha artigu 138 husi kódigu penal no krime armas Branka númeru 5/2017.
444 total views, 3 views today
