DILI, (timorpost.com)— Diretor Ezekutivu Fundasaun Mahein ( FM), Nelson Belo hatete relasiona ho kazu okum PSIK husu osan ba família fujitivu Arnolfo ne’e envolve husi ema kargu importante balun iha Instituisaun PSIK.
“Iha loron 8 Abril 2024 notísia Diariu Independente fó sai kona-ba pesoal hosi Polícia Cientifica de Investigação Criminal (PCIC) husu osan seguransa ba família fugitivo Arnolfo Teves Jr. Ho notísia ne’e Fundasaun Mahein (FM) investiga kle’an liu tan notisia ne’e no identifika katak membru PSIK ida ho titulu investigador xefe no kargu xefe departamentu importante maka envolve iha kazu ne’e,” Dehan Diretor Ezekutivu Fundasaun Mahein ( FM), Nelson Belo hatete ba jornalista sira iha nia knar fatin, Tersa (09/04).
Diretór haktuir, Kazu ne’e nia kronolojia mak pesoal PSIK halo kontaktu via WhatsApp ho língua Inglêz (mensagem no kontaktu voice) ho Arnolfo Teves, Jr nia oan-mane kona-ba nia aman nia kondisaun iha Estabelesimentu Prizional Becora, Dili. Husi kontaktu ne’e pesoal PSIK husu osan ho montante US$ 2,000 nu’udar osan seguransa ba Arnolfo Teves, Jr. iha prizaun.
Nia dehan, Kuandu kazu ne’ebe akontese iha PSIK mak la prosesa, depois pajina arkiva, signifika motiva nafatin sira seluk, para kontinua halo hanesan ne’e.
Nia haktuir, exemplu ida maka uluk, superior PSIK halo no agora superior PSIK ida halo hanesan tan, ida ne’e estraga instutisaun, tanba instutisaun ida ne’e kria para halo nia knaar tuir mandatu ne’ebe lei fo ba, maibe la halo nia knaar entaun governu presiza hare atu reforma.
“Maibé hahalok ne’ebe mak oknum PSIK halo ne’e, FM seidauk dehan krime, maibé husu para atu halo prosesu investigasaun, tanba ne’e FM seidauk deklara katak ne’e krime ka lae, maibe ida ne’e so, prosesu investigasaun hotu, tribunal mak bele deklara ne’e krime ka lae”. Nia informa
Sosiedade sivil fo hanoin katak, deskonfia sira ne’ebe mak iha involve pesoal PSIK halo investigasaun, atu hare ida ne’e, presiza funsiona didiak instuisaun sira ne’ebe tutela ba kria regra no mekanizmu halo nonitorizasaun ba atividades, desepenamentu instutisaun sira ne’ebe iha sira kontrollu.
1,185 total views, 6 views today
Bele hare Video Seluk :