DILI (timorpost.com) – Prokuradór Jerál Repúblika (PJR), Alfonso Lopes, hatete nia seidauk bele fó komentáriu kle’an kona-ba kazu Padre Abito José Brites Cazemiro, nia mate.
“Rezultadu autópsia Amu Abito nian ha’u seidauk bele fó komentáriu barak tanba, ha’u foin fila husi Bangkok Xina, tanba ha’u feriadu Judisiál nian, entaun ha’u ba Bangkok kona-ba droga no korrupsaun,” nia hateten iha Parlamentu Nasionál, Kinta (15/09).
Nia dehan, karik kazu ne’e iha ona Ministériu Públiku nia liman, maibé nia seidauk hatene klaru tanba nia feriadu Judisiál, entaun ba Bangkok Xina foin tama fali servisu.
“Ha’u foin tama horisehik, entaun ha’u seidauk identifika, depois iha relatóriu titulár no enkontru mak ha’u foin bele fó informasaun kona-ba ida ne’e,” hateten nia.
Nia dehan, durante ne’e Prokuradór pikete ne’e mak atende hodi assume ba legalidade ida ne’e, tantu kazu Padre Abito nia Mate no sidadaun ida deskonfia tara an iha Sela detensaun PNTL Munisípiu Dili, Kaikoli.
“Tanba ne’e ha’u labele ko’alia barak lai, maibé kazu sira hanesan ne’e presiza aselera lalais, tanba hanesan Ministériu Públiku tenke assume responsabilidade ne’e ho efikásia no rápidu,” deklara nia.
Nia dehan tan, tanba ne’e mak kuandu assume ida ne’e dentru husi prazu kuandu sura husi ida ne’e entaun inkomprimentu ba lei sira ne’ebé iha ne’e.
1,235 total views, 3 views today
