ADVERTISEMENT

Euclides Husu Governu Reativa Merkadu Livre Hodi Prevene Tranzasaun Ilegál

Mario da Costa - PNTL
Reportajen : Beatriz Belo
Editor : Mario da Costa
  • Share

DILI (Timor Post)- Komandante Unidade Patrullamentu Fronteira (UPF), Superintendente Polisia Euclides Belo husu Governu Timor-Leste kordena ho Indonézia reativa merkadu livre iha liña fronteira terestres atu fasilita populasaun asesu besik ba merkadu sosa nesesidade báziku, Atu nunee bele prevene halo tranzasaun Ilegál.

Nia hatete, preokupasaun sira ne’ebé durante populasaun sira hela iha fronteira hasoru mak iha area rurál asesu ba iha merkadu ne’e dook, tanba ne’e sira hili dalan hakat ilegal ba indonézia sosa nesesidade báziku.

ADVERTISEMENT
SCROLL FILA BA NOTISIA

“Ita husu Governu bele reativa ona merkadu livre iha fronteira terestres atu ita-nia populasaun sira bele asesu merkadu besik, depois mak ita kontrola ha’u hanoin ita bele evita ona ilegál,” nia hateten, hafoin remata atividade worshop iha Timor Plaza (19/07).

Nia dehan, problema ne’ebé durante ne’e populasaun sira hela iha fronteira hasoru mak distansia ba merkadu husi pontu entrada ba iha area rurál ida ne’e mak halo populasaun sira dala-barak halo atividade tranzasaun sasán ilegál.

Lee Mós:
Komandante PNTL Dili Halo Pasa-revista ba Membru Tránzitu Sira

“Iha fornteira ne’e ita-nia populasaun sira hasoru mak distansia dook, sira hela iha altu Lebos mai fali iha pontu entrada motain asesu ba merkadu ne’e dook la’o durante oras tolu nia laran iha ho kareta no motor foin bele to’o, tanba ne’e mak sira komete tranzasaun ilegál,” afirma nia.

Nia dehan, komunidade sira hato’o preokupasaun ba autoridade lokál no seguransa iha fronteira, katak hato’o hela ba Governu no ministéiru relevante sira atu loke hikas merkadu livre ne’ebé antes iha covid-19 nia laran taka.

“Ita lori preokupasaun komunidade sira nian hato’o husi media ba Governante liuliu ministériu relevante sira atu reativa hikas merkadu livre iha fronteira, antes ne’e merkadu loke hela situasaun Covid-19 ita taka seidauk reativa fali,” dehan nia.

Nia afirma, bainhira reativa ona merkadu livre iha fronteira, regra covid-19 kontinua aplika ba sidadaun sira atu uza máskara, depois mak autoridade lokál hamutuk HO seguransa sira kontrola sidadaun sira ne’e evita ona tranzasaun ilegál.

Lee Mós:
PSIK Detein Sidadaun Ida Hatama Osan Falsu

Tanba ne’e, mak komandu UPF nia moto ne’ebé aplika iha fronteira mak servisu hamutuk ho komunidade garante liña fronteira terestres sai fatin seguru ba ema hotu, maibe fronteira baliza Timor-Leste ho indonézia luan sidadaun sira kontinua hakat ilegal.

“Espera ita-nia Governu bele rona preokupasaun komunidade sira iha fronteira atu reativa hikas merkadu livre, fasil ona ita atu kontrola no evita ona tranzaksaun ilegál,” Nia hateten.

Antes ne’e, Diretor Ezekutivu Fundasaun Mahein (FM), Abel Amaral, hatete sidadaun hela iha fronteira halo tranzasaun atividade negósiu no kultura ho ilegalmente ne’e la’ós foin, maibe problema ida ne’e, dala-barak ona akontese iha ne’ebá, tanba ne’e, Governu tenke kria kondisaun fasilita merkadu tradisionál iha area Fronteira Terestres.

Nia hatete, atividade negósiu ne’ebé dala-barak akontese ne’e mak mina rai ho gazolina no sasán nesesidade báziku sira seluk no atividade kulturál mak halo sidadaun sira sempre ultrapasa tama no sai iha fronteira.

Lee Mós:
Semana Rua, PNTL Rejista Insidente Krime Hamutuk 24

“Hanoin di’ak ne’ebé ami hakarak Rekomenda ba Governu mak tenke kria hodi fasilita ba ita-nia sidadaun sira, mak kria merkadu trandisionál konjunta ida iha fronteira, depois mak ita-nia autoridade seguransa sira kontrola ida ne’e ita bele reduz ona tranzasaun ilegal,” nia hateten iha knaar fatin Bairu dos Grillos, Segunda (18/07).

Nia dehan, bainhira Governu hanoin atu kria merkadu dahuluk mak Ministériu Komérsiu Indústria no Ministéiru Arte no Kultura tenke diskute regra hamosu despaixu ida atu regula sidadaun sira iha fronteira faan sasán atu labele viola regra.

 

 484 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Euclides Husu Governu Reativa Merkadu Livre Hod…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: