LISBOA, (timorpost.com)— Prezidente Repúblika ( PR), José Ramos Horta, Kinta ne’e kondekora medulla Colar Ordem Timor-Leste ba timoroan nain tolu no sidadaun estranjeiru nain tolu.
Enkuantu kondekorasaun medalla Ordem Colar Timor-Leste ne’e, hala’o iha edifisiu embaixada Timor-Leste em Belem iha Lisboa Portugal.
Iha diskursu, PR Horta hatete, kondekorasaun medalla Ordem Colar ba timoroan no inklui sidadaun estrajeirunain tolu, tanba hare ba sira kontribuisaun ba Timor-Leste nia dezenvolvimentu.
“Ohin ha’u kondekora timoroan nain tolu no inklui sidadaun estrajeiru nain-tolu, ne’ebe durante kontribui ona ba Timor-Leste nia indepedensia iha konstrusaun estadu nian,” dehan Prezidente Repúblika Horta ba jornalista sira iha Otel Intercontinental Lisbon, Kuarta Kalan, (24/04).
Timoroan nain tolu inklui estrajeiru nain tolu ne’ebe simu kondekorasaun Ordem Colar Timor-Leste ne’e mak, Embaixadora Timor-Leste iha Jenebra, Maria Lourdes Besa, Embaixador Portugál nian iha Jenebra, Rui Marseira, Eis Embaixadora Pascoela Barreto ho ho nia kaben, hahu apoia iha luta iha Portugal, iha tinan 1974, Artista Moises Maria Martins de Deus, Nuno Nunes, uluk hanesan professor ida ba direitu internasionál apoia makas governu.
“Sira ne’ebe, ohin hetan kodekorasaun ne’e, tanba sira la bele ba too iha Timor-Leste, entaun ita halo vizita mai iha ne’e atu aproveita halo ondra kondekorasaun ba sira,” nia hakoko.
Iha fatin hanesan, reprezentante kondekoradu, Moises Maria Martins de Deus, hatete agradese barak, ba Prezidente Republika, tanba bele rekonese servisu ne’ebe uluk nia halo.
“Ha’u la espera kondekorasaun Iia ne’e, tanba ha’u la sente katak, atu hetan kondekorasaun hanesan ne’e, tanba ema barak merese liu ha’u, ha’u dehan ida ne’e, tanba ha’u laos kaer kilat no laos halo funu no ha’u la halo buat importante Iia, maibe ha’u hakerek muzika ida kona ba Timor,” nia afirma.
Xefe Estadu atribui medalla sira ne’e bazeia ba dekretu Prezidente Repúblika númeru 43/2024, 15 Abril, no númeru 94/2022, 22 Novembru.
Enkuantu iha seremonia kondekorasaun ne’e akompaña husi Ministru Negosiu Estrajeiru no Kooperasaun (MNEK) Bendito Freitas, no Jeneral reforma Lere Anan Timur inklui embaixadora Portugal ba Timor-Leste, Isabel Amaral Guterres.
1,623 total views, 36 views today
Bele hare Video Seluk :
Subscribe to Timorpost
