DILI (Timor Post) – Governu Timor-Leste liuhosi Vise Ministru Finansas, António Freitas, hala’o vizita kortezia ba iha Telekomunikasi Internasional (Telin) iha Jakarta.
Tuir Komunikadu Imprensa, Timor Post Online, asesu katak Onra boot ba Telekomunikasi International (Telin) hodi simu vizita kortezia husi Vise Ministru Finansas ho komitiva.
Vizita kortezia husi Vise Ministru Antonio Freitas ba Telin, objetivu atu agradese Telin ne’ebé hala’o operasional telekomunikasaun liuhusi Telkomcel ne’ebé eziste tinan 10 ona iha Timor-Leste.
Governo mós rekoñese Telin nu’udar investidór fó kontribuisaun ba Dezenvolvimentu Timor-Leste liuhusi operadór telekomunikasaun Telkomcel.
Reuniaun ne’e hala’o entre Vise Ministru Finansas ho komitiva no konselleiru Embaixadór Timor-Leste iha Indonézia, Agostinho Barreto ho Board of Directors (BoD) husi Telkom, Telin & Telkomcel iha edifísiu Telin, Jakarta-Indonézia, loron 31 Agostu 2022.
Board of Directors (BoD) husi Telin mós hatutan, nu’udar investidór kontribui ba dezenvolvimentu, Telin loke kampu servisu ba Timoroan, kapasitasaun ba rekursu umanu, promove igualidade jeneru liuhusi feto iha kareira no realiza ona ho 50% lideransa feto.
Vise Ministru hatutan, Telin TL nu’udar parseru dezenvolvimento kontinua haree ba oin atu koopera hamutuk hodi promosaun ba setór Turizmu liuhusi produtu kafe.
Iha biban ne’e mós CEO Telin, Budi Satria, hato’o ba Vise Ministru, katak ohin loron Era Dijitál nune’e efisiensia tebes utiliza Platform Dijitál ba Marketing, nune’e bele mundu tomak kuñese produtu kafé Timor, liuliu kafe Organik.
Molok remata reuniaun, Vise Ministru Finansas mós kontinua husu ba Telin TL tau matan nafatin ba Timoroan sira no mós kontinua investe nune’e dezenvolvimentu nasaun rua bele la’o.
3,136 total views, 6 views today
Bele hare Video Seluk :
Subscribe to Timorpost
