ADVERTISEMENT

Doutora Amita Thampa Hakotu Iis, Sei Haloot iha Dili tuir Tradisaun Nepal

Timor Post - Internasional
  • Share

DILI—Doutora Amita Thapa nu’udar Médiku Espesialista Obstetrícia e Ginecologia hakotu iis iha Dili, Domingu (16/02/2020), iha oras, tuku 14:30, tanba sofre moras Pulmaun halo iis boot no dezde fulan neen liu ba depende de’it ba oxijeniu.

Ho kondisaun ida ne’e, Doutora (Dra). Amita labele hala’o ona servisu. Dra. Amita moris iha Kathmandu, Nepal. Hela iha Timor Leste durante tinan 17.

ADVERTISEMENT
SCROLL FILA BA NOTISIA


Dra Amita hakotu iis ho idade 63. Nia husik malu ho nia kaben hafoin hetan oan na’in-tolu. Nune’e, to’o Dra. Amita hakotu iis husik hela nia oan sira no beioan na’in-ida.

Durante iha Timor Leste, Dra. Amita hahú servisu iha HNGV to’o tinan 2017. Nia nu’udar eis Xefe Departementu Maternidade iha HNGV.

Durante iha HNGV, iha tinan 2010 hetan konfiansa hodi fó treinamentu ba parteira sira iha Timór hodi salva inan sira husi komplikasaun iha programa EMONC (Emergency Obstetric Care) ne’ebé finansia husi UNFPA (United Nations Population Fund).

Lee Mós :
Expo Dubai Konfirmadu Muda ba 2021, Timor Leste sei Gasta Osan Liu Millaun $2

Hakotu servisu iha HNGV deskonfia tanba Diretór Jerál iha momentu ne’eba mak hapara kontratu. Nune’e, hahú kedas iha tinan 2017, Dra. Amita servisu fali iha WHO (World Health Organization), muda ba Kinika Merie Stopes no to’o Dra. Amita hakotu iis, servisu iha DMC (Dili Medical Center).

Luis Moniz nu’udar Dra. Amita nia kolega di’ak ba Timor Post haktuir, sira kolega di’ak maibé hanesan tiha ona família tanba Dra. Amita mak fó tratamentu saúde ba nia família.

“Ami rua hanesan kolega, mais haree malu hanesan família. Nia mak fó tratamentu ba ha’u nia família,” Luis hatete.

“Ha’u ho ha’u nia família Gizela Macedo Martins senti lakon mana Amita Thampa ema ne’ebé importante mós iha ami nia família. Mana Amita ajuda inan barak, oan feto barak no ki’ik oan barak durante ita boot nia misaun iha Timor-Leste,” Luis subliña.

Lee Mós :
Ohin, V-PM Asanami Lidera Governu Defende OJE 2024 iha PN

Iha oportunidade Luis haktuir mós mensajen husi Dra. Amita nia oan hafoin nia inan hakotu ona iis no lori ba sira nia rejidénsia iha Práia dos Coqueiros, Dili.

“Ami lakon ami nia inan doben, Dra. Amita Thapa iha Dili, Timor-Leste ohin tuku 2:30 lorokraik. Ami sente laran kmaan ho domin ne’ebé ita boot sira fó no apoiu ba nia no ami iha tempu susar ne’e. Ami nafatin ho nia iha uma no nia sei iha ne’e to’o Tersa kalan. Ami halo planu atu halo seremonia cremation Kuarta dader iha Timor-Leste. Tuir tradisaun Nepal nian, ami sei lutu ba loron 13 iha tempu ne’e, ami nia uma nakloke atu simu maluk sira. Ami haksolok simu ita boot sira no agredese ba reza ne’ebé tuir ita nia fiar ba ita hotu nia inan doben,” mensajen husi Dra. Amita nia oan.

Dra. Amita hakotu nia perigrinasaun iha mundu, iha TImór xoke mós ema hotu ne’ebé durante ne’e konese di’ak ho nia tulun sira hodi salva inan feton sira durante prosesu kous to’o hahoris.

Lee Mós :
Prezidente Repúblika fó Parabens ba FAO iha Selebrasaun Loron Mundial Ai-han

Iha rede sosiál Facebook no WhatsApp ema hirak ne’ebé koñese espresa sira nia sentiment triste ba lakon ida ne’e. Nu’udar inan ida ne’ebé ho nia matenek salva ema nia vida.

Dra. Luduvina Da Costa Cruz iha nia pájina ofisiál espresa nia sentiment triste hodi subliña, Timor lakon Médika obstetria i jinekolojia di’ak ida, ne’ebé sakrifika no dedika nia-an tomak ba feto timor barak.

“Obrigada Dra. Amita Thampa, liu husi ita boot nian liman, Maromak fo ona Savannah mai iha ami nia família. Ami rua Seba Makay Guterres sei temi nafatin Dra. Amita nian naran, bainhira ko’alia kona-ba Savannah. Descança Em Paz,” Dra. Luduvina hakerek iha nia pájina Facebook hafoin rona Dra. Amita hakotu iis iha HNGV. (cao)

 809 total views,  3 views today


Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No