ADVERTISEMENT

TL Simu Tan Vasina AZ Doze 168.000 Hosi Japaun

  • Share
Vacinação dos profissionais de saúde, veterinários e agentes funerários com 60 anos ou mais de idade, que estam na ativa, na Clínica da Família Estácio de Sá, na região central da cidade. O município do Rio de Janeiro ampliou hoje (27) o público-alvo da campanha de vacinação contra a covid-19.

DILI (Timor Post)—Governu Timor-Leste, simu tan vasina AstraZeneca (AZ), hamutuk Doze 168.000 kompleta ho saringa no algodaun hosi governu Japaun.

Asesór ba Relasaun Internasionál no Kooperasaun, Afonso H. Corte Real, hatete sasán hirak ne’e, governu Japaun apoiu liuhosi Fundu Covax ne’ebé fornese hosi UNICEF.

ADVERTISEMENT
SCROLL FILA BA NOTISIA


“Vasina Covid-19 hamutuk doze 168.000 ne’e  apoiu hosi Japaun, ne’ebé liu-hosi Fasilidade COVAX Facility ne’ebé fornese hosi UNICE”, Afonso informa ba jornalista sira hafoin remata  hatún vasina hosi Aviaun TRI. M.G Asia Airlines, iha Aeroportu internasionál Nikolau Lobato Komoro, Sesta (13/08).

Lee Mós :
Komunidade Indonézia Promove Dansa Kultura iha Timor-Leste

Nia hatutan, vasinasaun ne ‘e sei fahe ba munisípiu hotu-hotu iha TL, maibé prioridade ba munisípiu haat ne’ebé mak hanesan area risku COVID-19, hanesan Baukau, Ermera, Vikeke no Covalima.

“Ita tau prioridade ba Munisípiu haat ne’e ho razaun katak, iha munisípiu hirak ne’ e, númeru Covid-19 sei aumenta”, nia argumenta.

Maibé nia dehan, agora daudaun governu halo hela esforsu atu fó vasina ba populasaun TL hodi alakansa to ‘o 70%, nune’e, to’o fulan Setembru 2021, situasaun ne’e bele fila fali ba normál.

Lee Mós :
Expo CIIE, Xina Kontinua Espresa Vontade Dudu Ambiente Ekonomia Global

Oportunidade hanesan, Embaixadór Japan iha TL, Masami Kinefuchi hatete, governu Japaun fó ona vasina liu-hosi Fundu Covax Facility. Tanba agora daudaun nasaun hotu iha mundu tenta hela atu luta hasoru Covid-19, inklui TL.

“Ha’u kontente tebes, tanba Governu Japaun ajuda ona vasina adisionál ba nasaun ida ne’e no ha’u hein katak asisténsia ne’e di’ak ba povu Timor-Leste”, Diplomata ne’e dehan.

Diplomata ne’e hatutan, vasina ne’e inisiativa hosi Primeiru Ministru Japaun nian atu ajuda povu TL. Tanba Inisiativa ne ‘e hetan anunsia hosi Primeiru-Ministru Japaun iha fulan Jullu liubá atu fó doasaun orsamentu ho montante biliaun $1 ba Fasilidade Covax Facility.

Lee Mós :
Prezidente Portugal Observa Timoroan Toba iha Jardín

“Ha’ u hein katak kontribuisaun ne ‘e bele ajuda ema hotu iha mundu, inklui mós komunidade TL”, nia espera.

Nia esplika, COVAX facility koopera ho nasaun barak, inklui Japaun, hodi ajuda fó vasina ba mundu no Japaun hanesan doadór boot ida iha COVAX facility. (res)

 1,084 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “TL Simu Tan Vasina AZ Doze 168.000 Hosi Japaun” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No