ADVERTISEMENT

Aban, KM Diskute Visa On Arrival ba Indonézia ho Timor-Leste

Mario da Costa - Internasional
Jornalista : Beatriz Belo
Editor : Mario da Costa
  • Share
Vise Ministru Interior, Antonio Armindo, Imaje TP/Beatriz Belo

DILI (Timor Post) – Vise Ministru Interior (VMI), Antonio Armindo, haruka ona rezolusaun foun ba iha gabinete Primeiru Ministru, atu tau iha ajenda Konsellu Ministru (KM), iha loron (10/08), hodi halo aprovasaun atu aplika ba sidadaun Indonesia tama iha territóriu Timor-Leste tenke selu visa on arrival.

Nia hatete, hanesan ema hotu-hotu hatene, semana kotuk iha Konsellu Ministru, Primeiru Ministru, Taur Matan Ruak, no mós  Ministru Negósiu Estranjeiru no Kooperasaun (MNEK), atu haree asuntu ida kona-ba Timor-Leste, kuandu tama ba iha Indonézia selu, maibé Indonesia mai Timor-Leste ho gratuitamente.

ADVERTISEMENT
SCROLL FILA BA NOTISIA


“Portantu, ida ne’e mak ita hetan orientasaun husi ita-nia Primeiru Ministru, Taur Matan Ruak, para ha’u atu halo fali rezolusaun ida, atu nune’e anula kedas rezolusaun ida uluk nian, nune’e atu hahú aplika fila fali rezolusaun foun, para sidadaun Indonézia tama mai Timor-Leste tenke selu Visa On Arrivel, nune’e mak ha’u halo karta rezolusaun ne’e ba iha Gabinete Primeiru Ministru nian, para aban Kuartu ne’e, bele tau mós ajenda iha Konsellu Ministru,” nia hateten iha knaar fatin Ministériu Interior Vila-Verde, Tersa (09/08).

Lee Mós :
GPM no PAM Entrega Prémiu Nutrisaun Tinan 2021 ba Manan Na’in-4

Nia haforsa tan, sidadaun Indonézia mai Timor-Leste ne’e, tenke selu vistu turizmu ho mós nia estensaun, maski Visa On Arrivel nafatin, maibé tenke selu.

“Ita halo rezolusaun foun ne’e, tanba sidadaun Indonézia tama gratuita de’it  Viza On Arraveil ne’e, maibé ita haree laiha balansu, tanba ita selu ba Indonézia maibé sidadaun Indonézia la selu ba ita, entaun ho ida ne’e mak ita hetan instrusaun husi Primeiru Ministru, para halo rezolusaun ida atu anula tiha rezolusaun ida uluk ne’e,” nia Salienta.

Lee Mós :
PR Horta Kondekora Timoroan Tolu no Estrajeiru Nain Tolu

Nia hatete, karik, aban parte Konsellu Ministru aprova ona hein Primeiru Ministru asina no Vise Ministru Interior asina, ba oin bele haruka ona parte imigrasaun implementa ba sidadaun Indonézia mai Timor-Leste tenke selu Visa On Arrivel.

“Ita la’ós haruka sira selu de’it Visa On Arrivel, maibé inklui mós, kuandu sidadaun Indonézia mai  hela iha  loron 30, depois  estensaun mós tenke selu,” governante ne’e informa.

Tuir nia hatete, sidadaun Indonézia mai Timor atu selu Visa On Arrivel ho hela iha loron 30, atu estensaun ne’e, selu tuir lei imigrasaun ne’ebé iha ona ho montante 35 USD.

Lee Mós :
FRETILIN Lidera iha Sentru Votasaun Sede Suku Santa Kruz

“Uluk ne’e, ita halo rezolusaun no konkordánsia entre nasaun Indonézia, katak ita Timoroan  kuandu tama iha Indonézia la selu Visa On Arrivel,  nune’e mós sidadaun Indonézia, bainhira tama iha Timor-Leste mós la selu,” nia konta.

Maibé, nufin iha tinan kotuk liu akontese Estadu emerjénsia la’o, enkuantu Estadu emerjénsia kuandu remata, entaun Parte Indonézia hahú aplika fali selu vistu bainhira Timoroan hahú tama iha Indonézia.

“Entaun ita mós hanoin katak, kuandu sidadaun Indonézia mai Timor-Leste sira mós hahú selu vistu, atu nune’e bele justu,” nia hakotu.

 1,485 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Aban, KM Diskute Visa On Arrival ba Indonézia h…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No