DILI-Movimentu populasaun iha postu administrative rua hanesan Atsabe ho Letefoho sofre dezastre naturaeza, bee lagoa iha suku Eraulu sai no sobu Estrada kotu hodi izola movimentu.
Informasaun ne’e Timor Post asesu horikalan hosi publikasuan video iha whatsapp Status Padre Carlito Tetilaca bainhira halo viajen ba Letefoho horisehik, Sabadu (18/03/2023).
Hosi video badak ne’e Timor Post hetan konfirmasaun hosi sidadaun sira iha letefoho no hela besik fatin akontesimentu.
“Fulan kotuk, sobu oituan-oituan, polisia hosi ermera mai haree no fo hatene ba nasional atu mia hadia, maibe ema ladauk mai” haktuir Teodoro Madeira rezidente local ba Timor Post, Domingo, (19/03/2023)
“Loron hirak ne’e, bee makas tan no sobu Estrada kotu, movimentu postu rua hanesan Letefoho ho Atsabe ladiak” afirma motorista ne’e.
Kondutor hosi Padre Helio Fernades atual Paroku parokia Letefoho ne’e konta, loron hirak ne’e sidadaun sira ne’ebe movimentu liu hosi aldeia Madede Suku Eraulu nudar local akontesiementu, susar loosba movimentu transporte hanesan karreta.
“Motor bele liu, maibe ema mk hit, motor kiik selu dolar lima (5 USD) motor boot selu dolar sanulu (10 USD)” sita motorista Teodoro.
Hein katak governu iha nasional bele book an lalais hodi fo solusaun no alternativa ba situasuan ne’e hodi tulun populasuan hosi postu administrative rua.
813 total views, 30 views today
