ADVERTISEMENT

Reprezentante FIFA Hasoru Xanana

Orlando Oqui - Desportu · Internasional
Editor : Jeremias Soares
  • Share
Reprezentante FIFA hasoru Prezidente partidu CNRT, Kay Rala Xanana Gusmão ho Sekretáriu Jerál Francisco Kalbuadi Lay. Foto TP/Jeremias Soares

DILI (timorpost.com) — Reprezentante Federation International Football Association (FIFA), hasoru malu ho Prezidente Partidu Kongresu Nasionál Kontrasaun Timorense (CNRT-sigla portugés) Kay Rala Xanana Gusmão, ho Sekretáriu Jerál Francisco Kalbuadi Lay.

Sorumutu ne’e realiza iha loron Kinta (08/06) lokraik, iha sede partidu CNRT Bairru dos Grilhos, ne’ebé hetan mós akompañamentu husi Prezidente Federasaun Football Timor-Leste (FFTL), Francisco Martins da Costa Pereira Jerónimo.

ADVERTISEMENT
SCROLL FILA BA NOTISIA


Prezidente Partidu CNRT, Kay Rala Xanana Gusmão, hatete iha enkontru informal nee, husi reprezentante FIFA hato’o kona-ba saida mak halo sira ona, no saida mak hakarak halo tan iha tinan lima mai nee.

Lee Mós :
2024, MJDAK Fó Perioridade Ba Infraestrutura Desportiva

“Sira mai hasoru ona Prezidente Federasaun, mais tanba ita-nia governu atu sai, governu ida seluk seidauk tama, ne’ebé enkontru ida ohin nee informal, hodi senor sira nee fó hatene kona-ba saida mak FIFA halo ona, no hakarak halo tan iha tinan lima mai nee”, Xanana dehan.

Iha fatin hanesan, Diretór Membru Asosiasaun Asia no Oseánia FIFA, Sanjeevan Balasingam, hatete sira la’ós ko’alia de’it ho Prezidente FFDTL ho nia ekipa, maibé ko’alia mós ho lideransa foun nasaun nee nian, tanba ba FIFA atu dezenvolve bola iha nasaun ne’ebé de’it, presiza servisu besik liu ho governu, no mós membru asosiasaun hanesan FFTL.

Lee Mós :
Xanana Hakilar ba Foin Sa'e Sira Atu Hanoin Nasaun Nia Vida

“Pontu save sira husi enkontru nee, ami simu husi senor Xanana Gusmão, katak governu foun ne’ebé mai, sei haree servisu hamutuk ho FFTL no FIFA, hodi dezenvolve infraestrutura bola iha nasaun nee”, nia informa.

Nia dehan, sira iha sentru treinamentu ne’ebé sai mós hanesan FIFA nia head  quarter iha Timor-Leste, ne’ebé sei hadi’a ho fundu husi FIFA, no ida seluk mak Estádiu Nasionál, nee hanesan pasu daruak iha dezenvolvimentu infraestrutura bola nian iha Timor-Leste.

Lee Mós :
Uniaun Europeia fo Apoiu Karregamentu Pulsa ba Jornalista Sira liuhusi TLPU-AJTL

“Tuir mai ami sei haree projetu seluk ne’ebé FIFA iha, ne’ebé mak bola ba eskola sira, ha’u-nia kolega sira sei kontaktu ho lideransa foun husi Governu no FFTL, hodi lansa programa bola ba eskola sira iha nasaun nee”, nia promete.

 2,115 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Reprezentante FIFA Hasoru Xanana” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No