DILI (timorpost.com) – Membru Komisaun B, ne’ebé Trata Asuntu, Negósiu Estranjeiru, Defeza no Seguransa iha Parlamentu Nasionál, Deputadu Aderito Hugo, hatete organizasaun Arte-Marsiais no Rituais la’ós atu taka, maibé loke nafatin ba juventude sira atu bele treina a’an hodi defende nasaun no povu, maibé presiza iha regas legal atu formaliza organizasaun sira bele la’o tu’ir lei haruka.
“Uluk ha’u-nia opiniaun kona-ba reativa fali organizasaun sira hanesan Arte-marsiais no rituais sira, klaru tanba Governu anterior mós la’ós dehan taka, maibé halo regaras legais ida atu bele formaliza organizasaun sira tuir lei,” nia hateten iha Parlamentu Nasionál, Kuarta (25/01).
Nia dehan, halo regaras atu karakter organizasaun hanesan Arte-marsiais sira bele halo ativitadade tuir lei haruka, hodi organiza malu nu’udar sidadaun ida ne’ebé iha talentu no arte kualifikadu.
Tanba Governu harii regras Komisaun Regular Arte-marsiais (KRAM), atu haree situasaun no dezafius hot-hotu ne’ebé organizasaun sira ne’e halo, no uluk invazaun sira halo perturbasaun durante referendum tinan 1999, restaurada um indepedensia 20 de Maiu 2002, tanba ne’e mak estadu estabele regras sira ne’e hodi harii.
Maibé, nia dehan bainhira regras sira ne’e estabelese joven Timor-oan barak mak lakoi submete ba lei ne’ebé estadu iha, tanba ne’e hanesan sidadaun ida iha sosiedade tenke kumpre regras atu regulariza oraganizasaun sira.
Nia dehan, regras normais la’ós dehan bandu, tanba konsagra iha lei Konstituisaun katak direitu sidadaun ida-idak atu bele mobiliza a’an no afiliasaun, tantu organizasaun, relijiaun, partidu sira, tanba lei rasik rekoñese direitu demokrátika.
“Organizasaun dehan reativa, presiza iha kondisaun ne’ebé haree ba pasadu, tanba saida regras ka lei ne’e akontese, maibé bainhira reativa ita rasik mak rekonsidera halo aktividade sein kondisaun ne’ebé kondujivu ba organizasaun sira”, nia hateten.
Nia esplika, kuandu halo ona regras liuliu KRAM iha regras minimu teb-tebes, tanba ne’e tenke ho kondisaun ida ne’ebé másimu la’ós minimu, hodi indika fatin trenamentu mós tenke sertifika husi entidades relevante, nune’e bele organiza liuhosi lei ne’ebé iha.
Nune’e bele identifika katak indikasaun ba fatin ho formalidade, hodi fó rekonesimentu ba ema hotu katak, Fatin ne’e mak sai fatin treinamentu oraganizasaun Arte-Marsiais sira, ho intensaun atu prevene hodi labele halo perturbasaun ka problema ruma iha nasaun.
“Maibé buat sira ne’e eatadu rasik la konsege halo, dehan de’it mak reativa maibé laiha regras rigor ruma, atu bele minimiza hahalok sira ne’ebé la tuir lei haruka,” nia hateten.
Tanba ne’e mak husu ba Governu tenke tau regras ne’ebé espesifika ba organizasaun sira, hodi prevene problema ne’ebé akontese bei-beik katak grupu ho grupu halo problema. nune’e husu nafatin ba Governu presiza mós iha kondisaun di’ak ba sira hodi treinu tuir nia fatin no tuir regras ne’ebé iha.
2,781 total views, 6 views today
Bele hare Video Seluk :
Subscribe to Timorpost
