Dili(timorpost.com)—Asistente Treinadór Sentru Akadémika Baukau, Herlin da Conceição, dehan sira nia atividade treinu ba labarik juveníl sira iha Sentru Treinamentu Juveníl Baukau kontinua la’o normál hela.
Tuir Herlin da Conceição, atividade agora la’o hela, tuir kalendáriu normál, tanba ne’e treinadór no jogadór sira kada loron kontinua kumpre hodi hala’o sira nia atividade treinu.
“Ne’e kalendáriu klaru entaun tenke kumpre nune’e kontinua fó treinu ba ita nia alin sira, treinadór sira nafatin halo rotasaun balun dadeer fó treinu balun loraik fali”, hateten , Herlin da Conceição, ba Timor Post, iha Xanana Sport Center, Bairru Grilhos, Kuarta (21/06).
Nia aumenta, tanba agora sira komesa halo ona preparasaun ba festival nasionál no jogu Juveníl tinan 2023 nian ne’ebé mak tinan sei realiza iha fulan tolu ka haat mai tan.
“Entaun ami tenke prepara ami nia-an no ami nia jogadór sira antes, nune’e tama iha kompetisaun ami bele kompete ho munisípiu sira seluk, tanba ne’e ami kontinua halo preparasaun”, nia dehan.
Nia esplika, tanba jogu Juveníl Sub-16 iha tinan rua tuituir malu ne’e sira mak sai kampiaun, hanesan iha tinan 2021 no tina 2022, tanba ne’e hakarak mantein nafati.
“Ami nia preparasaun ne’e hodi hakarak sai manán iha kualkér jogu Juveníl ruma, liu-liu ami prepara ba jogu Juveníl Sub-16 tinan ida ne’e nian”, nia hateten.
Ho ida ne’e atu hakotu nia aumenta, ne’ebé ajenda preparasaun no treinu nian kona-ba Juveníl Baukau nian tinan ida ne’e klaru ona, tanba ne’e sira sei la’o tuir ida ne’e de’it, hodi kontinua treinu labarik sira.
867 total views, 3 views today
Bele hare Video Seluk :
Subscribe to Timorpost
