ADVERTISEMENT

Fabio Magrão Deside Hakotu Kontratu, FFTL Sei Buka Treinadór Foun

Mario da Costa - Desportu
Jornalista : Jaime Pires
Editor : Asisten Hermenegildo da Costa Tilman
  • Share
Deputi Federasaun Futeból Timor-Leste, Frederico Martins, Imajen TP/Jaime Pires

DILI (Timor Post) — Federasaun Futeból Timor-Leste (FFTL), sei buka treinadór foun hodi troka treinadór atuál ekipa Selesaun Futeból Nasionál Timor-Leste, Fabio Magrão nia fatin.

“Atu Buka treinadór foun ne’e ita seidauk bele ko’alia, maibé karik treinadór Fabio deside ona hakarak termina nia kontratu no lakohi kontinua ona, entaun laiha dalan seluk ita tenke buka treinadór foun,” dehan Deputi Federasaun Futeból Timor-Leste, Frederico Martins, iha Bairru Grilhos, Sesta (02/09).

ADVERTISEMENT
SCROLL FILA BA NOTISIA


Nia aumenta, iha tempu besik ekipa Selesaun Nasionál Timor-Leste sei ba partisipa iha jogu internasionál, entaun tenke presiza duni treinadór.

Lee Mós :
Atleta Teófilo ho Ekipa Rekolla Medalla Osan Mean-3 no Mutin-1

“Maibé ita sei rezolve problema atu selu nia saláriu ne’e lai, kuandu rezolve ita sei lobi fali tan hodi nia bele kontinua, maibé nia lakohi ita tenke buka duni treinadór foun,” nia deklara.

Frederico dehan, maibé karik atu buka treinadór foun mós sei buka ida ne’ebé koñese ona Timor-Leste no jogadór sira hotu, atu nune’e bele lidera Selesaun Nasionál ba joga iha internasionál.

“Maibé horisehik treinadór atuál Fabio deside hakotu ona nia kontratu tuir nia desizaun rasik, maski nia kontratu seidauk termina, tuir kontratu sei hotu iha fulan Dezembru,” hateten nia.

Lee Mós :
Asosiasaun Sira Kontinua Hein Rezultadu Kongresu Estraordináriu

Enkuantu treinadór internasionál husi Brazil ne’e deside hakotu nia kontratu, tanba polémika ne’ebé agora Asean Football Confederation (AFC), no Federasaun Futeból Internasionál (FIFA) mós hatene ona, katak Federasaun Futeból Timor-Leste seidauk selu nia saláriu durante fulan lima ona.

Nune’e mós iha informasaun katak, Treinadór refere hakotu nia kontratu, tanba iha klube balun husi nasaun tolu hanesan, Malaysia, Singapura no Tailándia kontaktu ona nia atu ba lidera klube iha ne’ebá, nune’e mós kauza husi FFTL la selu nia saláriu durante fulan Lima ona.

Lee Mós :
AM-AR Presiza Konsiderasaun Pesoál ba Desizaun Governu

Portantu nia dehan, saláriu treinadór Fabio Magrão nian hamutuk rihun 150 USD, mak FFTL seidauk selu.

Ikus liu nia dehan, agora sei iha prosesu nia laran, hodi bele selu treinadór refere nia saláriu, tanba iha loron 30 de Agostu ne’e AFC fó ona aprovasaun ba fundu ida ne’e, ne’ebé iha tempu badak sei selu ona saláriu fulan lima ne’e.

 3,465 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Fabio Magrão Deside Hakotu Kontratu, FFTL Sei B…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No