DILI (timorpost.com) – Prezidente Federasaun Futeból Timor-Leste (FFTL), Francisco Jerónimo, ofisialmente reklara nia rezignasaun perante kongresista iha kongresu extra-ordinária FFTL antes hetan destituisaun.
“Razaun prinsipál ha’u rezigna-an husi Prezidente FFTL hanesan ne’e, see ha’u iha ne’e nafatin depois asosisaun loron kalan maka dehan ha’u ladi’ak-ladiak, atu halo saida?, hanesan ema, di’ak liu hanoin dook uitoan, ha’u halo rejignasaun para fó fali oportunidade ba sira”, Prezidente FFTL, Francisco Jerónimo, informa ba jornalista sira Hotél Timor (10/11/2023) hafoin deklara nia rezignasaun perante kongresista FFTL nian.
Nia hatutan “Ha’u lahatene ha’u nia problema saida, más ha’u hatene katak iha buat balu maibé prontu, ne’e polítika ita kumpriende, labele ko’alia barak”.
Maske nune’e, nu’udar Prezidente FFTL sesante ho fuan hakarak kontribui nafatin ba dezenvolvimentu futeból iha Timor-Leste.
“Prontu nafatin karik sira presiza ha’u-nia ajuda ha’u sei fó ajuda nafatin”, Nia hakotu.(*)
3,288 total views, 6 views today
Bele hare Video Seluk :
Subscribe to Timorpost
