DILI (timorpost.com) – Governu liuhusi Ministériu Juventude Desportu Arte no Kultura (MJDAK) iha ona planu para tinan oin (2024), halo konstrusaun ba estádiu Munisipál Dili ho estandarte Internasionál hodi uza ba jogu Internasionál.
Ministru Juventude Desportu Arte no Kultura, Nelio Isac Sarmento, hatete, iha tinan oin Governu sei halo konstrusaun ba estádiu foun hodi fasilita jogadór sira uza atu tuir estandarte internasionál.
“Tinan ne’e, to’o agora ha’u seidauk hetan komunikasaun tantu verbal no surat ida katak, Federasaun Internal no Futeból Asosiasaun (FIFA), hodi halo konstrusaun ba estádiu, tanba ne’e mak polítika nonu governu nian iha tinan 2024 mak foin halo konstrusaun ba estádiu estandarte internasionál Nelio hateten ba jornalista sira hafoin partisipa diskusaun jornada orsamentál ba tinan 2024 iha Ministériu Finansas Ai-tarak Laran, Tersa (12/09).
Membru governu ne’e dehan, intermus de administrativamente ba rai, autorizasaun Federasaun Futeból Timor-Leste (F-FTL) ne’e mak MJDAK asina MoU ho Xina, asina husi federasaun Xina ho FFTL, maibé to’o agora haree katak FFTL mós la book-an.
Tanba ne’e, hanesan Ministru, iha fulan hirak liubá, halo ona komunikasaun ho FIFA, kona-ba projetu estádiu munisipál Dili, maibé sira dehan depois mak sira fó informasaun mas hein de’it.
Governante ne’e haktuir, mezmu hanesan ne’e iha OJE 2024, MJDAK kontinua projeta orsamentu balun hodi halo konstrusaun foun ba estádiu munisipál Dili ho estandarte Internasionál.
“Ita tau orsamentu balun hodi halo dezeñu foun, para depois ita konklui ba konstrusaun foun ne’e iha tinan oin mai, maibé ami nafatin hein komunikasaun husi FIFA atu moderniza estádiu munisipál Dili iha tinan oin mai,” nia esplika.
Ikus liu, nia dehan, FIFA nia intensaun atu ajuda hodi moderniza estádiu ne’e ba estandarte internasionál, tanba sei iha diskusaun téknika, tanba seidauk hetan informasaun pozitivu husi FIFA, maibé teknikamente husi MJDAK prepara hela.
2,025 total views, 39 views today
