DILI (Timorpost.com) – Governu liuhosi Konsellu Ministru (KM), aprova proposta dezignasaun eis Prokuradoria Jerál da Repúblika, José Ximenes, ba Komisáriu Komisaun Anti Korrupsaun (KAK), iha periodu tinan haat.
“Ohin Konsellu Ministeriu hola desizaun hodi designasaun ba Komisáriu Komisaun Anti Korrupsaun, tanba ne’e Konsellu Ministru deside ka nomeia eis Prokuradoria Jerál da Repúblika, José Ximenes, hodi sai Komisáriu KAK iha tempu tuir mai”, dehan Ministru Prezidensia Konsellu Ministru (MPCM), Fidelis Manuel Leite Magalhães, ba Jornalista iha Palasiu Governu, Kuarta (25/01).
Tanba ne’e, nia dehan husi desizaun ne’e Konsellu Ministeriu, sei hato’o naran ba Parlamentu Nasionál, sei analiza no halo votasaun tuir lei Lejislasaun vigor tiha ona.
Fidelis dehan, Governu ninia opsaun ka nomeasaun hodi hato’o ba Parlamentu Nasionál, mak eis Prokuradoria Jerál da Repúblika, José Ximenes.
Nia hatete, karik mak Parlamentu Nasionál, halo votasaun mak afavor ka absoluta ba kandidatu refere, entaun mandatu tuir eis Prokuradoria Jerál da Repúblika, José Ximenes, sei sai Komisáriu Komisaun Anti Korrupsaun (KAK) ba periodu tuir mai.
Nia hatutan, maski ninia designasaun sei nesesáriu ba maioria absoluta husi deputadu sira ne’ebé prezente, pelumenus, baluk datolu husi deputadu sira ne’ebé efetividade funsaun sira.
Fidelis afirma tan katak, Governu propoin José Ximenes, hodi troka komisáriu KAK la’os troka estrutura tomak, tanba Komisáriu Komisaun Anti Korrupsaun atual Sergio Hornai, nia mandatu hotu ona.
Tanba ne’e, nia ajusta, ohin Governu tetu ho klean no mós Konsellu Ministru deside katak, José Ximenes, tenke sai Komisáriu Komisaun Anti Korupsaun ba tinan hirak mai.
“Designasaun ohin ne’e la’ós ba estrutura KAK tomak, maibé designasaun ne’e ba Komisáriu Komisaun Anti Korupsaun atual Sergio Hornai de’it”, katak nia.
2,389 total views, 6 views today
Bele hare Video Seluk :
Subscribe to Timorpost
