Dili (timorpost.com)—Sekretáriu Estadu Juventude no Desportu (SEJD), Abrão Nokosiku Saldanha, reuniaun ho manager sentru juventude sira hamutuk 13, hodi ko’alia kona-ba maximizasaun no fundu operasionál sira, reuniaun hala’o iha salaun SEJD, Kinta (16/03/2023).
Estratéjia ba organizasaun juventude sira mak presiza halo fasil ba joven sira ne’ebé agora aumenta beibeik.
“Tanba ne’e mak ohin ita hamutuk ho manager sentru juventude sira hodi deside programa ka estrutura sentru juventude nian, estratéjia ba organizasaun juventude sira mak presiza halo fasil ba joven sira ne’ebé mak ohin ita hamutuk ho manager sentru juventude sira hodi deside programa ka estrutura sentru juventude ninian”, dehan Abrão Nokosiku Saldanha.
Ho maxifikasaun ba organizasaun juventude sira inklui sentru juventude sira hotu, insitiva ne’e rasik mai hosi governu atu halo estratéjia no foka ba foin sa’e sira, ne’ebé iha espresaun fíziku no la’ós fíziku ba joven sira atu introdús liga ho unidade servisu postu administrativu nian hamutuk ho sentru juventude sira hotu.
“Maxifikasaun aseita iha buat ida importante mak liuhosi youth organization and youth service, asuntu buat rua ne’e ami hakarak atu halo klaru iha estratéjia maximizasaun tuir dokumentu ne’ebé mak agora sirkula ona ba parseiru sira ne’ebé iha katak joven mak sei lidera atividade hotu-hotu iha sentru juventude no organizasaun juventude sira”, nia subliña.
Kona-ba fundu operasionál mós haree hosi avaliasaun no selesaun liuhosi manager sentru juventude no SEJD sei hala’o hamutuk atu ajuda servisu ba joven sira no autoriza ba tinan 35 mai kraik hodi bele lidera sentru juventude sira no organizasaun juventude sira.
Programa ida ne’e SEJD sei apoiu ba parseiru sira atu bele servisu ho foin sa’e sira mais ou menus maxifikasaun ba sentru juventude no organizasaun juventude sira atu bele servisu di’ak liu tan ho komunidade sira liuhosi parseiru internasionál sira mak hanesan UNICEF, UNFPA no mós WHO, hodi ajuda halo mapamentu ne’ebé hahú tiha ona levantanentu ida iha tinan kotuk kona-ba grupu komunitáriu organizasaun juveníl sira.
Reuniaun ne’e partisipa mós Diretór jerál juventude no desportu, Diretór nasionál juventude, xefe department juventude inklui staff gabinete.
Notísia ne’e Timor post asesu liuhosi pájina facebook SEJD nian, Sesta (17/03/2023). (*)
1,138 total views, 3 views today
Bele hare Video Seluk :
Subscribe to Timorpost
