Reportajen Jeremias Soares/Editor Augusto Sarmento
DILI-(Timor Post) Prezidente FFTL Francisco Jerónimo ho Sekretáriu Estadu Juventude no Desportu (SEJD) Abrão Saldanha briefing Prezidente Repúblika José Ramos kona-ba eventu aprezentasaun taxa kopa mundiál.
“Ami na’in-rua ohin mai atu briefing ita-nia Prezidente Repúblika kona-ba vizita troféu ne’ebé mak aban to iha Timor-Leste. Ita-nia Prezidente Repúblika prontu ona atu simu troféu ne’e”, Prezidente FFTL informa hafoin briefing PR iha Pallasu Prezidensiál Bairru-Pité, Sesta (10/06).
Jerónimo dehan, iha nasaun 51 mak hetan vizita ida ne’e, inkui Timor-Leste.
“Fotografia ha’u hanoin ami limitasaun, FIFA rasik husu no sira aprova tiha ona ba ema atus rua de’it ne’ebé hetan hotu ona konvite, sira ne’e mak iha diretu hetan fotografia aban iha Stadium Munisipál Dili. Ema hothotu bele tama iha Stadium hodi bele haree besik, maibé laiha diretu atu hasai fotografia”. Jerónimo afirma.
Iha fatin hanesan, Sekretáriu Estadu Juventude no Desportu, Abrão Saldanha, esplika trofeu kopa mundiál sei to iha Timor-Leste aban (read ohin) tuku 9 dadeer, sei halo serimónia resesaun iha Aeroportu Internasionál Nicolau Lobato, depois diretamente lori mai iha Palasu Prezidensiál, ne’ebé sei simu direta husi PR, Prezidente sei halo diskursu boas vindas ba trofeu, depois sei iha konferénsia imprensa kona-ba vizita trofeu nian, hafoin ne’e diretamente ba Stadium Munisipál Dili atu aprezenta ba públiku. No lokraik fila-fali ba Pasífiku.
“Atu fó hatene ba públiku sira katak ida Ne’e oportunidade dala ida iha ita-nia moris, atu haree diretamente troféu kopa mundial. Troféu sei to iha ne’e tuku 9 dadeer no sei fila fali iha tuku 3”. Abrão informa. (*)
115 total views, 3 views today
