DILI (Timor Post)- Ministru Prezidénsia Konsellu Ministrus, Fidelis Magalhães, husu ba inan ho aman sira hotu labele fó ai-han ne’ebé laiha kualidade ba oan sira.
“Husu ba inan-aman sira atu garante atu labele fó hahan sira ne’ebé laiha kualidade, ne’ebé favór boot ida inan-aman sira tenke tau atensaun ba ida ne’e,” nia hateten iha Palasiu Governu, Kuarta (27/07).
Nia reforsa tan, evita kuandu fó hahan ba oan sira labele etu mak barak liu modo oituan de’it ne’e la ajuda oan sira, inklui la harii jerasaun aban bainrua matenek no kualifikadu iha saúde ne’ebé di’ak.
“Ho ida ne’e Governu sei avansa no halo luan tan ba programa Merenda Eskolár no aumenta nia valór sa’e ba $0,42 sentavus kada labarik ida iha eskola,” nia deklara.
Tanba ne’e Magalhães subliña, ba sidadaun sira programa prinsipál ida ba Oitavu Governu nian mak hakarak labarik sira iha asesu ba hahán ne’ebé di’ak.
“Hahán ida ne’ebé di’ak no bele kontribui ba sira-nia saúde no mós kontribui hasa’e sira-nia kapasidade atu aprende, tanba ne’e inan-aman sira-nia papél importante hosi halo kontrolu lisuk,” nia hatutan.
Enkuantu Konsellus Ministrus mós ohin aprova ona projetu Dekretu-Lei, ne’ebé aprezenta husi Ministru Administrasaun Estatál, Miguel Pereira de Carvalho, no Ministru Edukasaun, Juventude no Desportu, Armindo Maia, hodi aprova Programa Merenda Eskolár.
2,097 total views, 3 views today
Bele hare Video Seluk :
Subscribe to Timorpost
