ADVERTISEMENT

MPRM Sei Fó Treinamentu Espesífiku Lian Inglés ba Kamanasaoan

Liduway Xavier - Cova Lima · Edukasaun · Munisípiu
Jornalista : Beatriz Belo
Editor : Liduway Xavier
  • Share
Ministru Petroliu Rekursu Minarai ( MPRM), Francisco da Costa Monteiro akompaña husi funsionariu MPRM no inklui komandante PNTL Munisípiu Covalima halao observa ba iha auto-estrada sira ne'ebé kondisaun aat iha area Lavarai Suai Vila. Foto TP/ Beatriz Belo.

KOVALIMA, (timorpost.com)— Ministru Petróliu Rekursu Minarai (MPRM), Francisco da Costa Monteiro, hatete Governu liuhosi MPRM sempre iha planu atu bele involve timoroan barak iha prosesu ba projetu hotu, la’os de’it iha munisípiu Kovalima maibé iha Timor laran tomak Governu sempre enkoraja joven sira para tuir formasaun.

Iha suku Kamanasa, postu administrativu Suai, munisípiu Kovalima, MPRM sei koordena ho sentru formasaun sira hodi fó treinamentu espesífiku liuliu lian Inglés no lian sira seluk tan ba joven sira iha Kamanasa.

ADVERTISEMENT
SCROLL FILA BA NOTISIA


“Ami sei servisu hamutuk ho sentru formasaun sira atu bele fó treinamentu espesífiku hodi nune’e bele ajuda aban bainrua kuandu iha oportunidade kampu traballu. Espefikamente ba Kamanasa, ami mós iha hanoin balun ona no trasa planu balu, parese sei hahú halo treinamentu hanesan Inglés no língua seluk-seluk no treinamentu seluk iha hotu planu ona”,  Ministru Petróliu Rekursu Minarai (MPRM), Francisco da Costa Monteiro, ba jornalista sira iha Suai munisípiu Kovalima, Kinta, (08/0) hodi responde ba preokupasaun no rekomendasaun Kamanasa oan sira nian.

Lee Mós :
Francisco: Natarbora Hanesan Sentru Integradu ba Dezenvoivimentu Indústria Petróliu

Maske nune’e, Ministru ne’e hatete sei la promete maibé posibilidade tinan ida-ne’e bele ona implementa programa formasaun.

Antes ne’e, komunidade iha suku Kamanasa, postu administrativu Suai, munisípiu Kovalima rekomenda ba Governu Konstitusionál da-XI, liuhosi Ministériu Petróliu Rekursu Minarai (MPRM) atu loke formasaun lian Inglés iha sira suku refere hodi fasilita no prepara joven sira ba projetu Suai Sapply Base.

Lee Mós :
Kampaña Daruak Lú Olo Iha Ermera, Palku VIP Tohar

Reprezenta komunidade, Kordenador Veteranu Tasfor Suppy Baze, Jorge Alves, husu Ministru Petróliu Rekursu Minarai atu loke formasaun lian Inglés iha suku Kamanasa, postu administrativu Suai, munisípiu Kovalima.

“Ha’u lori komunidade suku Kamanasa nia naran, see bele karik atu kontinua loke formasaun kona-ba Inglés iha sira-nia suku, tanba antes ne’e Governu loke ona maibé  iha dalan klara sira taka fali, momentu loke labaraik sira barak aprende lian Inglés, tanba ne’e ami husu Ministru see bele karík oinsá tau mós planu ba ida-ne’e”, Jorge Alves, informa.

Lee Mós :
MPRM Hahú Sosializa, Komunidade Suku 4 Afeita Husi Projetu Suai Supply Base

Nia hatutan, rekomendasaun ne’e la’os nia mak ezije maibé preokupasaun mai husi joven no foin-sa’e sira, tanba antes ne’e formasaun la’o ona maibé paradu tiha, tanba ne’e husu para loke fila-fali formasaun iha fatin refere.(*)

 915 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “MPRM Sei Fó Treinamentu Espesífiku Lian Inglés …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No