MANATUTU, (timorpost.com)– Komunidade iha postu administrativu Natarbora, munisípiu Manatutu haksolok simu Ministru Petróliu Rekursu Minarai (MPRM), Francisco da Costa Monteiro, ho nia delegasaun hodi sosializa projeitu tasi-mane ba komunidade iha área Natarbora.
Ministru MPRM ho nia delegasaun to’o iha Natarbora simu husi lia-nain, autoridade munisípiu, postu, autoridade lokál no komunidade ho tara tais, simu ho lia-dadoli husi lia-na’in sira no simu ho dansa kultura husi postu refere.
Iha lia-dadoli ne’e, Tersa, (13/02), lia-na’in, Abrão da Costa, hatete, populasaun munisípiu Manatutu, liuliu postu administrativu Natarbora ho kontente simu delegasaun Ministru Petróliu Rekursu Minarai tanba hakarak halo dezenvolve iha rai ida-ne’e.
“Ami kontente simu ita tamba ho ita-boot nia vizita ne’e hakarak halo dezenvolvimentu iha rai ida-ne’e tanba rai ida-ne’e, lori raan no mate mak sosa, espera katak bele halo dezenvolvimentu iha futuru mai”, Abrão da Costa, hatete.
Nia hatutan, espera iha vizita ne’e bele lori matak no malirin ba munisípiu Manatutu, liuliu ba suku Uma-Boku, postu adminitrativu Natarbora, munisípiu Manatutu.
Enkuantu, tuir observasaun Timor Post iha loron-Tersa, (13/02) nota katak delegasaun Ministru MPRM to’o iha Natarbora iha oras tuku 16:00, ho objetivu husi vizita ne’e hodi sosializa projeitu tasi-mane ba komunidade iha Natarbora.
Antes ne,e, Governante ne’e mós halo ona sosializasaun ba iha munisípiu Kovalima, Manufahi kona-ba projetu tasi-mane ne’ebé hetan seguransa másimu husi PNTL munisípiu ida-idak.(*)
972 total views, 3 views today
Bele hare Video Seluk :
Subscribe to Timorpost
