ADVERTISEMENT

ADTL Aprezenta Rezultadu Peskiza 2022 ba USAID, Asesu Iha Edukasaun

Timor Post - Edukasaun · Siensia
Jornalista : Mariano Abi
Editor : Asistente Editor Hermenegildo da Costa Tilman
  • Share
Diretor Ezekutivu ADTL, Cesário da Silva. Imajen Esp.

Dili (Timor Post)–Asosiasaun Defisiente Timor-Leste (ADTL), ohin aprezenta rezultadu peskiza durante tinan 2022 nian ba Ajénsia Estadus Unidus Amérika ba Dezenvolvimentu Internasionál (USAID), ne’ebe mak durante ne’e apoiu ona programa EhD ba asesu edukasaun.

“Husi deskobrimentu ne’ebé ami halo, iha ne’e liu-liu tipu eskola ne’ebé EhD asesu, ami hetan númeru boot liu iha Eskola Públiku (EP) 50%, eskola privadu 17%, eskola koléjiu nian 12%, ensinu rekorrente 11%, no seluk maka 2%. Enkuantu, ADTL nia respondente ba iha peskiza ida ne’e hamutuk na’in-120, entaun ba asesu EhD nian númeru boot iha eskola públiku, inklui eskola privadu, Koléjiu no Ensinu rekorrente,” Diretór Ezekutivu ADTL, Cesário da Silva, afirma lia hirak ne’e, liu husi aprezentasaun peskiza ba USAID, iha Otél Timor, Kinta (30/06).

ADVERTISEMENT
SCROLL FILA BA NOTISIA


Lee Mós :
EUA Kontinua Fó Apoiu Dezenvolve Sítiu Kristu Rei

Nia hatutan, nune’e ba ensinu rekorrente nian komesa sa’e makaas, tanba ida ne’e oportunidade di’ak hodi ita bele hatán ba maluk EhD sira, tanba iha limitasaun asesu EhD barak liu mak la kontinua, no la remata sira nia eskola, maibé ho ezisténsia liu-liu ensinu rekorrente no klase ensinu rekorrente ba EhD, hatudu tebes ho evidénsia.

Lee Mós :
ME-KO 25 Diskute Kurríkulu Istória Timor

“Buat ne’ebe presiza mellora liu tan hodi bele asegura EhD nia asesu ba edukasaun maka, 77% kria kondisaun asesivel iha eskola tuir nesesidade tipu Defisiénsia nian hanesan, rampa, letra braille ou tradutór lian jestual”. Nia konfirma.

Husi rezultadu peskiza hatudu katak 9%, ADTL kontinua hametin parseria ho família EhD, Edukasaun Ensinu Superior no parseiru relevante sira hodi hakbi’it EhD. 7% mak dehan harii eskola rekorrente ou ekivalente ba EhD, no 7% mak hasa’e kapasidade manorin sira nian atu hanorin EhD.

Lee Mós :
La Rejistu, Estudante Admitidu 1.241 La Tama Ona Lista UNTL

“Nune’e husi ADTL rekomenda ba Ministériu Edukasaun Juventude no Desportu (MEJD) atu, harii ou kompleta infraestrutura báziku asesivel ba iha eskola públiku. Fornese tratamentu báziku ba manorin na’in sira kona-ba nesesidade EhD nian hanesan, lian jestual, braille dala rua kada tinan iha eskola públiku ezistente, hodi hasa’e koñesimentu no abilidade manorin na’in sira”.

 6,733 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “ADTL Aprezenta Rezultadu Peskiza 2022 ba USAID,…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No