ADVERTISEMENT

ME Dulce: Eskola Katólika Barak Seidauk Hetan Merenda Eskolár

Liduway Xavier - Edukasaun · Istilu Moris · Jeral
Jornalista : Noémia Pinto Pereira
Editor : Hermenegildo da Costa Tilman
  • Share

Dili, (timorpost.com)—Reprezentante Santa Sé iha Timor-Leste, Monseñór Marco Sprizzi hasoru malu ho Ministra Edukasaun, Dulce de Jesus Soares diskute kona ba planu Ministériu nian liga ba implementasaun programa merenda eskolár ba eskola katólika sira ne’ebé seidauk implementa.

Monseñór Marco Sprizzi informa, enkontru ne’e diskute kona bá interese Ministériu Edukasaun nian liuliu estudante sira nian, iha programa merenda eskolár.

ADVERTISEMENT
SCROLL FILA BA NOTISIA


“Programa ida ne’e importante tebes atu estudante hotu iha territóriu laran bele asesu ba programa ne’e rasik, tamba sira hotu iha direitu hanesan”. Haktuir Reprezentante Santa Se iha Timor-Leste, Monseñór Marco Sprizzi ba jornalista sira iha Salaun Ministériu Edukasaun nian, Tersa (16/04/2024).

Lee Mós :
Programa Sesta Bázika Konsideradu Habokur Grupu Partidária

Reprezentante Santa Sé haktuir, aleinde diskute kona ba programa implementasaun merenda eskolár ba eskola katólika, ko’alia mós kona ba oinsá atu implementa dokumentu Fraternidade Umana oinsá atu empeña iha kurríkulu nasionál iha eskola sira.

“Ami diskute mós kona ba dokumentu Fraternidade Umana ne’ebé Parlamentu TL assume hanesan dokumentu nasionál ho ME inklui KONEKTIL (Konsellu Nasionál Edukasaun Katólika Timor Leste), órgaun kompetente Episcopal hodi empeña iha kurríkulu, nune’e estudante sira bele moris ho espíritu fraternidade”. Haktuir Núnsiu Marco Sprizzi.

Iha fatin hanesan, Ministra Edukasaun Dulce de Jesus Soares reforsa, husi enkontru ida ne’e ko’alia kona ba programa merenda eskolár ne’ebé daudaun ne’e iha eskola Katólika barak mak seidauk simu merenda eskolár ne’e rasik.

Lee Mós :
HNGV registou em agosto 19 mortes

“Sim, too ohin loron eskola Katólika barak mak seidauk simu merenda eskolár ne’e rasik. Tanba ne’e ita diskute oinsá ba oin atu implementa programa merenda eskolár ba iha eskola katólika sira ne’ebé mak seidauk hetan. Klaru katak, programa merenda eskolár ne’e Ministériu Administrasaun Estatál mak responsavel, maibé em termus estudante sira ne’e tutela ba Ministériu Edukasaun, tanba ne’e sira iha responsavel atu servisu hamutuk ho KONEKTIL hodi foti dadus estudante sira nian, ho nune’e bele koopera ho MAE oinsá buka solusaun ba kestaun ne’e”. Dehan Ministra Edukasaun.

Lee Mós :
MOE-UE Ho CNE Realiza Enkontru Relatóriu Observasaun Eleitorál 2022 no Prosesu ELPAR

Ministra Dulce haktuir, daudauk ne’e ME iha hela prosesu halo revizaun ba kurríkulu husi ensinu báziku 3⁰ siklu no sekundária, sira hahú hare oinsá enkaixe matéria kona-ba dokumentu Fraternidade Umana.

“Ita agradese tanba KONEKTIL realiza ona enkaixe ona matéria dokumentu Fraternidade Umana hanesan matéria relijiaun ba 10⁰ ano ne’e inklui ona matéria kona-ba karta Episcopal sira hanesan Fratteli Tutti, Laudato Si, tama tiha ona iha livru referénsia balun, ho nune’e ME sei reforsa liután de’it”. Hakotu.

 2,124 total views,  15 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “ME Dulce: Eskola Katólika Barak Seidauk Hetan M…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No