MALIANA, (timorpost.com) — Sekretáriu Estadu Arte no Kultura (SEAK), Jorge Soares Cristóvão, sente triste Autoridade Rejiaun Administrativu Espesiál Oekusi Ambeno (RAEOA) ne’ebé lidera husi Arsénio Bano, la autoriza Grupu Kulturál husi Oekusi partisipa iha Festivál Frontéira 2023 ne’ebé realiza iha Maliana, munisípiu Bobonaro nian.
“Iha biban ida-ne’e hanesan Sekretáriu Estadu Arte no Kultura sente triste tanba desizaun husi autoridade Oekusi ne’ebé mak la autoriza ita-nia grupu kulturál husi Oekusi, RAEOA atu la mai partisipa iha eventu ida-ne’e,” Sekretáriu Estadu Arte no Kultura (SEAK), Jorge Soares Cristóvão, hatete liuhosi nia intervensaun iha abertura Festivál Fronteira 2023 iha Jinájio Maliana, (15/11/2023).
Festivál Fronteira 2023 nu’udar interkámbiu kulturál entre nasaun rua liuliu komunidade iha fronteira inklui Oekusi maibé infelizmente grupu kulturál husi RAEOA la partisipa tanba la hetan autorizasaun husi autoridade Oekusi nian.
Maske nune’e SEAK agradese tanba festivál ka interkámbiu kulturál refere hetan partisipasaun másimu husi komunidade.
Governante ne’e mós agradese ba komunidade ne’ebé promove nia produtu lokál iha festivál refere.(*)
1,296 total views, 3 views today
Bele hare Video Seluk :
Subscribe to Timorpost
