ADVERTISEMENT

Pekuária RAEOA Vasina Animal 720

Orlando Oqui - Raeoa · Saude
Editor : Orlando Oqui
  • Share
Vasinasaun ba animal iha RAEOA. Foto Ilustrasaun

OEKUSI  (timorpost.com) – Rejiaun Administrativa Espesiál Oe-cusse Ambeno (RAEOA) liuhosi Sekretáriu Rejiaun Asuntu Agrikultura, Departamentu Pekuária, iha fulan Janeiru to’o Marsu tinan ne’e, konsege halo ona vasinasaun ba animal hamutuk 720 iha sub-rejionál Nítibe no Pante Makasar.

Xefe Departamentu Pekuária RAEOA, Cipriano Agostinho Daos, hatete, iha trimestre dahuluk hahú Janeiru to’o Marsu tinan 2023 ne’e, Departamentu Pekuária, hala’o vasinasaun ba manu iha uma kain 57 no tratamentu inklui vasina ba fahi iha uma kain 115 iha sub-rejiaun Nítibe no Pante Makasar nian.

ADVERTISEMENT
SCROLL FILA BA NOTISIA


“Vasinasaun ba manu ho ai-moruk Newcastle Disease, peste ba manu vijilánsia tratamentu ona ba sub-rejiaun Pante Makasar ho Nítibe, iha uma kain 57, mak rejista manu atu tuir vasina iha 860, maibé 720 mak konsege vasina ona, hela 140, seidauk tanba komunidade hakiak ho sistema semi intensivu, bainhira atu simu, manu la konsege ka’er, tanba halai sai hosi luhan,” Cipriano hateten Iha studiu RCAL, ne’ebé Timor Post asesu iha Kuarta (07/06).

Lee Mós :
AJAR: Ministra Saúde Labele Halimar Povu Nia Vida ho Polítika Ezonerasaun

Nia dehan, kona-ba vijilánsia tratamentu ba moras fahi ho ai-moruk Hemorrhagic Septicemia (HSF) peste karau, hala’o ona iha suku ualu perténsia sub-rejiaun Pante Makasar ba uma kain 115 no tratamentu vasina ba fahi ne’ebé moras iha 602, maibé 226 la konsege salva vida tanba moras grave, ida-ne’e rejista mai hosi komunidade hakiak ne’e hamutuk 614.

“Durante ne’e ita iha kooperasaun di’ak ho agrikultór sira hanesan hakiak na’in, kada fulan haat hala’o vasinasaun dala ida, tanba oráriu klaru ona, no iha entuziazmu tanba taxa mortalidade ba manu hahú menus, maibé ba fahi nia vasinasaun seidauk iha maibé asisténsia hanesan bio-seguransa, tratamentu iha, primeiru haree liu fatin no hahán presiza seguru,” nia haktuir tan.

Tuir nia, rezultadu monitorizasaun durante ne’e iha pontu tolu tenke konsidera, primeiru husu ba agrikultór sira hanesan hakiak na’in, presiza kolabora hamutuk tanba durante ne’e, parte pekuária observa maioria hakiak ho sistema extensivu, husik livre tanba laiha luhan, daruak hahán la saudavél no ikusliu mak la iha kondisaun hygieniku.

Lee Mós :
MS Ezekuta Ona OJE 2023 Porsentu 49

“Sistema hakiak na’in-sira durante ne’e parte pekuária observa, di’ak liu uza sistema semi intensivu, dadeer bele hasai no kalan bele hatama, ida ne’e presiza muda nune’e fasil bele kontrola, bainhira nia hetan moras,” nia esplika.

“Iha futuru ami sei konxiensializa agrikultór sira, oinsá prevene moras animál ne’e, no hatudu ezemplu, liuhosi hakiak semi intensivu atu hanorin oinsá fasilita hahán seguru ba animal oinsá kontribui ba nutrisaun,” nia hatutan.

Tanba durante ne’e maioria oferese hahán ho batar de’it, maibé loloos hahán bele iha, tan ne’e Departamentu Pekuária daudaun ne’e, esforsa hala’o hela formasaun, ba futuru bele enkoraja komunidade sira bele muda.

“Hanesan fahi no manu, presiza hahán porsentu 16, nune’e materiál lokál ne’ebé eziste iha Oé-Cusse, bele uza hodi atinje porsentu ne’e, tan ne’e maka durante ne’e ami uza materiál lokál, hanesan hudi kain, batar, nu’u no hare uut, ida ne’e kahur hamutuk mak hetan porsentu 16 ne’e, sistema ne’e, uza ona no komunidade sira mós uza ona,” nia hateten.

Lee Mós :
Familia uma laran tama Hospital Hafoin Konsumu Mina Sona Symphoni

Nia dehan, liuhosi hahán lokál sira ne’e, la’ós prevene virus ba animál maibé importante liu ba sira nia hela fatin luhan presiza moos, no hahán seguru, sé bainhira han-hemu no fatin di’ak, entaun, nia imunizasaun iha isin ne’e forte bele kontra virus ne’e.

Nia esplika, departamentu Pekuária iha kooperasaun di’ak ho parte sosiedade sivíl parseiru sira, hanesan programa Hasa’e Produtividade Agrikultura Sustentavél (HAPAS), PRADET, hodi foku liu ba sistema fornese hahán ba animál, tanba durante ne’e hakiak na’in sira iha koñesimentu kona-ba fornese hahán iha luhan.

 1,809 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Pekuária RAEOA Vasina Animal 720” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No