ADVERTISEMENT

AHDMTL Komemora Aniversáriu Ba Dala-11

Timor Post - Dili · Saude
Jornalista : Beatriz Belo
Editor : Asistente Editor Hermenegildo da Costa Tilman
  • Share
Asosiasaun Halibur Difisiente Matan Timor- Leste (AHDMTL), Komemora Aniversariu Ba dala-11 iha AHDMTL Manleuana

Dili (Timor Post)— Asosiasaun Halibur Defisiente Matan Timor-Leste (AHDMTL), ohin loron (01/07), komemora aniversáriu AHDMTL ba dala-11 iha AHDMTL Manleuana Suku Komoro, Postu Administrativu Dom Aleixo.

Prezidente Fundasaun AHDMTL Gaspar Afonso hatete, primeiru hakarak agradese ba ema hotu, liuliu ba Media sira tanba AHDMTL nia ezistensiál ne’e promove mós husi media sira.

ADVERTISEMENT
SCROLL FILA BA NOTISIA


“AHDMTL harii iha loron 01 fulan Juñu tinan 2011, tanba ne’e ohin AHDMTL komemora nia aniversáriu ba dala-11, mais ita nian atenjimentu seidauk másimu, tanba ita seidauk hatene ema to’o mill pesoas ba leten, tanba ita nia maluk defisiente matan barak mak sei iha isolasi hela, sei marzinilizadu no sei hela iha diskriminasaun nian laran,” dehan Gaspar Afonso ba jornalista sira, hafoin  remata selebrasaun AHDMTL ba dala-11 iha AHDMTL Manleuana, Sesta (01/07).

Lee Mós :
DNMG Alerta, Udan Iha Parte Leste Persiste no Makaas

Tanba ne’e, Prezidente Fundasaun husu ba maluk defisiente sira ne’ebe mak hela iha ne’e, atu aproveita oportunidade didi’ak, tanba defisiente barak mak buka hela oportunidade hanesan ne’e, maibé susar atu hetan.

“Ohin, ha’u mai hanesan fundadór no responsabilidade iha fatin ida ne’e hodi kontrola no nafatin observa halo monitorizasaun ba membru AHDMTL sira ne’ebe mak iha atu nafatin armonia hodi hala’o moris ne’e sai moris liu tan”.

Lee Mós :
Ministériu Saúde Lansa Livru Guia Padrão Tratamentu

Tan ne’e, husu ba belun defisiente sira, nafatin kuidadu imajen ne’ebe mak AHDMTL adia ona no imajen ne’ebe sira la’o ona ho parseiru sira no entidade sira hotu, liuliu ba estadu no governu no parseiru Internasionál no Nasionál sira.

Iha fatin hanesan, reprezenta Plan Internasionál, Antoneta Maria  Gesi hatete, lori Plan Internasionál nia naran hakarak hato’o parabéns ba AHDMTL ne’ebe mak selebra aniversáriu ba dala-11.

“Hanesan Plan, ami sente orgullu los AHDMTL sai parseiral ho ami Plan, liu-liu atu realizasaun ba iha Misaun no vizaun AHDMTL nian, maski liuhusi atividade ki’ik no natoon, maibé ami apresia ba AHDMTL tanba bele parseira ho ami iha sira jornada, hakarak hatete katak ami deseiza no susesu prosperidade”

Lee Mós :
Pose ba Membru Governu Foun, EJMMD Bandu Negosiante Sirkula iha Dalan Públiku

Nia informa, Plan Internasionál iha kometimentu boot hakarak servisu hamutuk  nafatin  ho AHDMTL durante ita sei iha ne’e.

Enkuantu partisipa iha serimónia aniversáriu ne’e, Prezidente Fundasaun AHDMTL, Gaspar Afonso, Diretór Interinu, Gabriel Pontianak de Sousa, Plan Internasionál, Chefe Casa Sivíl, PDHJ no FONGTIL.

 1,570 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “AHDMTL Komemora Aniversáriu Ba Dala-11” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No