OEKUSI (timorpost.com) – Governu liuhosi Ministériu Finansas (MF), Diresaun Tributária Nasionál hala’o sosializasaun kona-ba lei tributária no administrasaun impostu, ba entidade sira iha Rejiaun Administrativa Espesiál Oe-cusse Ambeno (RAEOA).
“Atividade ne’e ami hala’o ona iha munisípiu 12 no ikus liu iha RAEOA. Ida ne’e importante tebes, tanba prosedimentu jerál impostu ne’ebé mak aplika iha ita nia nasaun, entaun ne’e importante ba komunidade sira atu hatene, sira nia direitu saida mak sira iha atu kontribui reseitas ba ita nia nasaun,” Diretór Nasionál Justisa Tributária, Edmundo Maria Fraga Guterres, hateten iha salaun Alfándega Palaban Oekusi, ne’ebé Timor Post asesu iha pájina RCAL, Kuarta (05/07).
Nia esplika, autoridade tributária estabelese dahuluk iha administrasaun UNTAET nia okos, hafoin Timor-Leste hetan independénsia. Nune’e, Base Legal Estrutura Autoridade Tributária (AT) liuhusi dekretu lei 31/2019, 18 Dezembru, no diploma ministerial 52/2021, 21 Jullu, ne’ebé fó responsabilidade ba autoridade tributária iha administra finanseiru.
Iha fatin hanesan, Adjunta Prezidente Autoridade RAEOA, Leonia da Costa Monteiro, hatete, sosializasaun ne’e importante tebes ba entidade sira, tanba ligadu ho impostu no taxa.
“Ne’e importante tebes ba ita tenke komprende, baihira ita halo investimentu karik ita la bele lakon oportunidade,” nia hateten.
“Ha’u husu entidade sira hotu ne’ebé mak partisipa iha atividade ida, tenke rona didi’ak, tanba atividade ida ne’e ligadu ho impostu no taxa, nune’e bainhira ita boot hakarak halo investimentu lalika lakon oportunidade,” nia hatutan.
Enkuantu, atividade sosializasaun ne’e realiza ona iha munisípiu 12, no ikus liu iha RAEOA.
2,460 total views, 3 views today
Bele hare Video Seluk :
Subscribe to Timorpost
