DILI (timorpost.com) — Assistente Sekretáriu Jerál Organizasaun Nasoins Unidas (SekJer ONU), Kanny Wignaraja, hatete atu investe ba edukasaun iha Timor-Leste, pontu de vista husi Prezidente Repúblika (PR), José Ramos Horta ho Programa das Nações Unidas o Desenvolvimento (PNUD).
“Importante tebes ba Timor-Leste nia futuru, saida mak sei sai prioridade prinsipál ba investimentu? Ha’u hanoin husi pontu dé vista Prezidente nian no PNUD konkorda no apoia nesesidade estadu atu investe barak liután iha edukasaun, ida ne’e mós rona husi povu tomak iha rai-laran,” nia hateten hafoin enkontru ho Xefe Estadu, iha Palásiu Prezidensiál, Bairru-Pité, Tersa (18/10).
Iha enkontru ne’e, Asistente SekJer ONU, Kanny, kontente tebes sama ain iha Palásiu Prezidensiál, husi ne’e asisntente nia vizita ofisiál dahuluk ba Timor-Leste no nia iha priviléjiu ohin loron (18/10), hodi hasoru Prezidente Repúblika (PR), José Ramos Horta, no ko’alia kona-ba buat balu.
Asisntente SekJer ONU, Kanny nia hanoin katak, dudu adezaun Timor-Leste nian ba ASEAN no mós ba Organizasaun Mundiál Komérsiu (OMK), oportunidade ida ne’e nakloke ba Timor-Leste, ho ida ne’e importante tebes atu dada investimentu direta husi rai-li’ur ba nasaun.
“Ne’e la fasil liu atu halo, ha’u hanoin área importante sira atu atrai investimentu diretu husi rai-li’ur mak atu asegura no mós iha lei ne’ebé forte, reforma jurídika no kapasidade judisiál iha nasaun ne’e,” nia dehan.
Nia haktuir, maibé mós atu investe iha kapasidade ema nian, nasaun joven ida ne’e investe ona ho di’ak, infraestrutura fíziku.
“Agora ha’u hanoin katak, presiza investe makaas iha infraestrutura umanu no sosiál. Ha’u hanoin sira ne’e sai hanesan saida mak sei lori nasaun ne’e ba oin,” Kanny hakotu.
1,426 total views, 3 views today
