Timorpost.com I FIGURA-Kontribuisaun ba dezenvolvimentu nasional sei sai máximu liuhusi rekursus umanus ne’ebé iha kapasidade no abilidade, buat rua ne’ebé la’os tur-tur mosu derepente deit, maibé presiza halo esforsu.
Lisaun ida mak hatudu husi ita-nia maluk Domingos Liberto da Costa A. Soares, mestradu iha Business Administration husi Dili Institute of Technology (DIT).
Ho dedikasaun boot no esforsu maka’as iha ninia estudu, Domingos konsege hetan rekoñesimentu nu’udar “melhor classificado” ho valor akumulativu 3,78 husi valor máximu 4.0 iha sistema akadémika. Atinjimentu ida ne’e halo Domingos sente orgullu tebes.
“Ha’u agradese tebes ba grau mestradu ne’ebé hau konsege konklui iha DIT. Hau orgullu boot, bele hetan oportunidade hodi eskola no hetan valor diak,” nia hateten ba Timor Post iha Kampus DIT, Kuarta (10/05).
Nia konsidera eskola nu’udar oportunidade ne’ebé diak hodi fó kontribuisaun ba dezenvolvimentu Timor-Leste.
Tanba liuhusi eskola mak ema kapasita an ho koñesimentu no abilidade oi-oin. Nune’e, nia enkoraja foinsa’e sira atu labele baruk aprende nafatin iha eskola.
“Ha’u nia lia menon, labele lakon oportunidade, fó ita boot sira nia laran tomak hodi mai aprende iha DIT, tanba DIT nu’udar universidade ne’ebé bele tulun kapasita rekursu umanu hodi kontribui ba dezenvolvimentu iha rai Timor,” nia enkoraja.
Domingos hahú eskola DIT 2016, no remata programa lisensiatura iha 2019. Depois kontinua ba Grau Mestradu husi tinan 2020, no agora nia konklui ona ninia estudu Mestradu ho valor di’ak.
1,240 total views, 6 views today
Bele hare Video Seluk :
Subscribe to Timorpost
