DILI,(timorpost.com)—Embaixadora Portugál iha Timor-Leste, Manuela Bairros, hasoru Prezidente Repúblika Jose Ramos Horta relata informasaun kona ba preparasaun no atividade selebrasaun tinan 50 Revolusaun dos Cravos ne’ebé sei monu iha 25 Abríl tinan ida ne’e.
“Relasiona ho selebrasaun loron Revolucão dos Cravos iha Timor Leste ita realiza ona atividade sira hanesan kompetisaun ba poezia no iha Sábadu semana oin sei iha sentru kulturál Portugés sei ko’alia kona-ba tema dezafiu kona-ba demokrasia ne’ebé sei ko’alia kona-ba demokrasia nu’udar prioridade ne’ebé merese atu defende kada loron tanba kada loron mós demokrasia sempre iha ameasa tanba ne’e ita hakarak ko’alia kona-ba demokrasia no dezafiu sira ne’ebé enfrenta iha Portugál no Timor Leste no oinsá espetativa juventude sira nian kona-ba demokrasia ne’e rasik,”,” dehan embaixadora Portugál Manuela Barros ba jornalista sira hafoin remata enkontru ho Prezidente Repúblika iha Palacio Prezidensiál Bairru-Pite, Tersa (16/04).
Manuela Bairros, haktuir, iha loron 25 Abríl sei iha konsertu ida iha Hotel Timor no sei anima husi kantora Timoroan sira ho knananuk orijinál Timoroan sira nian kadalak Suli mutu.
“Sim, iha loron 25 Abríl sei iha konsertu ida iha Hotel Timor no sei anima husi kantora Timoroan sira relasiona ho selebrasaun tinan 50 revolusaun dos Cravos ne’ebé sei monu iha 25 Abríl”. Nia haktuir.
Entretantu, iha loron 4 fulan Maiu sei iha mós eventu iha Eskola 4 Setembru no KAFÉ Dili, sei iha mós eventu kona-ba traballu infantíl.
1,794 total views, 3 views today
Bele hare Video Seluk :
Subscribe to Timorpost
