ADVERTISEMENT

PM Taur Hakfodak Funsionáriu Barak Servisu La Tuir Area

Mario da Costa - Jeral
Jornalista : Jaime Pires
Editor : Mario da Costa
  • Share
Primeiru Ministru, Taur Matan Ruak, Imajen TP/Vidal Amaral

DILI (Timor Post) – Primeiru Ministru (PM), Taur Matan Ruak, preokupa mundu agora ema barak servisu la tuir nia área inklui mós funsionáriu sira iha Timor-Leste.

“Iha mundu agora problema rua, ida analfabetu literál ne’ebé la hatene Lee no hakerek no ida fali analfabetu funsionál katak nia eskola matenek maibé la uza nia matenek ne’e iha servisu loron-loron,” dehan PM Taur, hafoin partisipa iha segundu konferénsia internasionál kona-ba kompeténsia, iha Salaun OKA Segunda (15/08).

ADVERTISEMENT
SCROLL FILA BA NOTISIA


Nia dehan, ema barak mak eskola hasai polítika, maibé ba halo fali servisu hanesan sósiu ekonómiku ninia no balun hasai gelar agrikultura ba servisu fali iha jestaun ninian.

Lee Mós :
Estranjeiru Na'in-2 Falsifika Dokumentu, PM Taur Parabeniza Servisu Migrasaun

“Entaun ida ne’e mós analfabetu ida bolu dehan funsionál, maibé diferente mak ida la hatene hakerek no ida hatene hakerek maibé la uza nia matenek iha área ne’ebé nia estuda ne’e problema ida ne’ebé mundu pasa, entaun oinsá ita atu rezolve problema sira hanesan ne’e,” deklara nia.

Tanba ne’e, nia dehan agora atu forma ema tenke hatene rekursu umanu saida mak atu presiza, hira no ba área ida ne’ebé, nune’e mós prepara rekursu umanu saida mak ema presiza atu nune’e forma hodi bele abaste sira.

Lee Mós :
MAPCS informa PM sobre trabalho realizado

“Ita haruka traballadór sira ba servisu iha Korea no Austrália, ha’u haree dala-ruma sira aprende mak Inglés, maibé dala-ruma nia la kualifikadu, nia to’o iha Korea foti nia ba servisu iha Peskas, maibé iha ninia vida nia nunka servisu iha Peska, ita boot sira haree took,” hateten nia.

Matan Ruak aumenta, nune’e mós sira ba Austrália iha ne’e barak la halo toos, maibé hatene Inglés foti nia ba Austrália.

“Entaun se ita-nia ábitu ida ne’e mak ita kontinua, ita sei la fó sentidu ba ita-nia formasaun sira ne’ebé ita halo, tanba ita forma maibé ita la uza maibé foti fali ida uza fali, entaun forma ba atu halo saida,” nia subliña.

Lee Mós :
PNTL detém pessoas por contrabando e apreende quatro motociclos em Covalima

Tanba dala-barak ko’alia beibeik ona iha Administrasaun Públika no Administrasaun Estadu nian barak dehan serba bisa, entaun Timor-Leste mós tama tiha ona títulu ida dehan serba bisa ka naran de’it.

 2,334 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PM Taur Hakfodak Funsionáriu Barak Servisu La T…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No