DILI (Timor Post) – Organizasaun Naun Govermental (ONG), Fundasaun Mahein (FM) husu ba Governu liuhusi Ministériu Defeza (MD), atu tau atensaun ba membru FALINTIL-Forsa Defeza Timor-Leste (F-FDTL) ne’ebé idade atu tama ona reforma.
Tuir Diretor Ezekutivu Interinu Fundasaun Mahein, Abel Amaral, hatete sira-nia parte mós haree iha membru F-FDTL balun ne’ebé idade tama ona ba reforma, estadu presiza atu tau atensaun ba sira.
“Ita husu ba estadu liuliu Ministériu Defeza, atu tau atensaun ba F-FDTL ne’ebé idade tama ona ba reforma,” dehan nia iha knaar fatin Bairru Grillos, Kuarta (10/08).
Nia arfirma, sira ne’ebé idade tama reforma ka tanba moras, estadu tenke atensaun ba sira nian moris, tanba sira nia sakrafisiu Fundasaun Mahein la bele ko’alia detallu tanba la hatene saida mak sira halo durante tinan 24.
“Tempu ona par ita-nia estadu liuliu Ministériu Defeza atu tau atensaun ba sira-nia vida moris no ba família,” nia hanoin.
Ikus nia dehan, FM haree dezde inisiu to’o idade 47, Fundasaun Mahein hanoin katak iha membru F-FDTL superior balun no membru balun idade reforma, husu ba Ministériu Defeza nafatin hanoin oinsá mak bele subtitui ba ida ne’ebé idade reforma ona.
963 total views, 3 views today
