DILI, (timorpost.com)— Diretora Eskola Bázika Sentrál (EBS) Faról, Filomena Fátima Belo Freitas, hatete EBF Faról daudauk ne’e iha dívida rihun $3 resin, nune’e mós menus meja no kadera ba estudante sira.
“Liga ba ezame periodu dahuluk iha loron primeru, antes ne’e hato’o ona ba Ministériu Edukasaun kona-ba falta kadeira no meja maibé seidauk iha resposta”, Diretora Eskola Bázika Sentrál (EBS) Faról, Filomena Fátima Belo Freitas, informa iha ámbitu lansamentu ba programa merenda eskolár iha eskola EBS Faról, Segunda, (01/04).
Nia hatutan, “Kona-ba konsensaun eskolár daudauk ne’e eskola halo hela dívidas ho montante $3 mil i tal hodi hein orsamentu husi Governu atu bele selu fali ba dívida hirak ne’e, antes halo dívidas ne’e eskola halo ona enkontru ho Ministériu Edukasaun”.
Aliende ne’e kona-ba ezame primeiru trimeste iha eskola EBS Faról, Diretora ne’e informa, iha pontu ezame laiha tarjetu, profesór ou profesora sira mak elabora pontu ezame rasik, tanba ne’e, nia husu ba ME atu iha periodu tuir mai profesór bele kompleta ona tamba daudauk ne’e EBS Faról sei falta profesór.
Hatan ba preokupasaun hirak ne’e, Sekretáriu Estadu Ensiñu Sekundária Jerál (ESJ) no Ensiñu Tékniku Vokasionál (ETV), Domingos Lopes Lemos, informa kona-ba menus profesór, bazeia ba bolsu kandidatu ne’ebé Ministériu Edukasaun hamutuk ho Komisaun Funsaun Públika (KFP) realiza tiha ona, espera iha fulan rua ka tolu mai eskola sira sei hetan profesór sufisiente.
“Kona-ba subsidiu konsesaun eskolár klaru katak seidauk sai maibé sira-nia parte mós tetu hela, iha fulan ikus tinan 2023 konsesaun ne’e sai tiha ona ba durasaun fulan 6, ho ida-ne’e Ministériu Edukasaun tetu katak stock surat tahan sei iha, maibé dalaruma mós tamba númeru estudante ne’ebé aas eskola uza hotu ona, iha tempu badak ministériu sei aloka konsesaun ba eskola sira depende númeru eatudante, kada estudante sei iha $2 dóllares”, hakotu.(*)
5,901 total views, 51 views today
Bele hare Video Seluk :
Subscribe to Timorpost
