Dili (timorpost.com) – Relasiona ho Mate-isin Padre ou Eis Parókia Santo António Motael, Antonio Alves, ne’ebé iha loron 10 Fulan Outubru 2022, hakotu ona is iha Australia, Segunda (24/10), sei lori husi Australia mai Timor-Leste.
Tuir Amu Parókia Santo António Motaél, Padre Guilhermino da Silva, mate isin Padre António Alves, nu’udar Timoroan ida moris iha rai ida ne’e, ne’ebé nia ba halo tratamentu iha ne’eba.
“Hafoin iha loron 10 Fulan Outubru tinan 2022, nia hakotu ona is iha Australia, ne’ebé nia mate isin sei mai iha loron 24 Fulan Outubru tinan 2022, Segunda ho aviaun iha oras tuku 8:55 to’o ona iha Aeroportu Internasionál Nicolau Lobato Komoro”, nia hateten iha Kampus Universidade Katólika Timorense (UCT), Balide, Sábadu (22/10).
Tanba ne’e Dioseze deside atu tau mate-isin padre António Alves, iha parókia Santo António Motaél, fatin ne’ebé ikus nia servi iha Timor durante tinan 13 nian laran.
“Ami mós iha parókia ne’ebá halo ona Komisaun hodi simu no depois loron Rua no kalan ida sei toba iha parókia Santo António Motaél, ne’ebé ami halo ona programa atu sarani sira no Parókia sira ba reza no misa hamutuk ho ami iha parókia Santo António Motaél ba Padre António Alves nia klamar”, nia dehan.
Portantu tuir planu ba mate-isin ne’e sei halot iha semitériu Maloa Padre sira nian.
Padre António Alves, ne’e nu’udar ema Timoroan nia servisu iha Timor Ukun aan mai husi Australia, servi povu timor durante tinan 13 nia laran, nia servisu servi sarani iha parókia Santo António Motaél.
“Tanba ne’e nu’udar Parókia Santo António Motaél nian agora ha’u konvida sarani sira hotu ne’ebé koñese Padre António Alves, karik atu bele ba hamutuk ho ami durante loron rua iha loron 24-25, tuku 10:00 misa funeral. No mós konvida ema hotu ba reza no halo orasaun ba Matebian nia klamar”, nia hakotu.
2,655 total views, 3 views today
Bele hare Video Seluk :
Subscribe to Timorpost
