DILI (Timor Post) – Kardeál Dom Virgílio do Carmo da Silva, sama-ain hikas iha rai Moris fatin Aeroportu Nicolau Lobato Timor-Leste, hafoin investidura hosi Papa Francisco iha loron (27/08), iha Vatikanu, Roma-Itália.
Kardeál Dom Virgílio, to’o iha Aeroportu Internasionál Nicolau Lobato Dili, tuku 07:24 OTL dadeer ne’e, ho aviaun Aero Atlantic husi Portugál.
Hafoin to’o iha Aeroportu, Kardeál Dom Virgílio Sama ain dahuluk iha eskada aviaun nia iha oras tuku 07:27, kardeál ho hamnasa kontente hodi foti liman ba sarani sira ne’ebé hamutuk ho Prezidente Repúblika, José Manuel Ramos Horta, akompaña hosi membru Govornu no Parlamentu sira simu nia iha Aeroportu.
Aviaun Aero Atlantic tun iha rai Aeroportu Komoro, aserta iha oras tuku 07:6.
Portantu viajen Aviaun Aero Atlantic sai husi kontinente Europa Portugál to’o iha Timor-Leste kontinente Asia, ho distánsia kilómetru 14332 (8905 MI) husi Lisboa Portugál to’o iha Dili. Durasaun semo ho oras 17 minutu 54, ho velosidade medida 800 KM/H.
Kardeál Dom Virgílio do Carmo da Silva, moris iha Munisípiu Baukau Postu Administrativu Venilale, iha loron 27 fulan Novembru tinan 1967, oan husi Ai-fuan domin entre, José do Carmo ho Isabel da Silva.
Kardeál Dom Virgílio do Carmo da Silva, sai Amu Bispu iha tinan 2016 hafoin nomeia husi Papa Francisco Bento XIV, no iha tinan 2019 foti nia sai hanesan Arsebispu Arquidioseze Metropolitana Dili, no kontinua iha loron 27 fulan Maiu Papa Francisco anunsia tan hodi hili nia sai Kardeál dahuluk Timor-Leste nian.
2,735 total views, 3 views today
Bele hare Video Seluk :
Subscribe to Timorpost
