Manufahi (timorpost.com) – Hahú husi fulan Janeiru too Novembru tinan 2023, Eletrisidade de Timor-Leste Empreza Públika (EDTL-EP) Munisipiu Manufahi hatama $130,849.84 ba kofre estadu.
Ba jornalista Xefe Unidade EDTL-EP Munisípiu Manufahi, Julio Pacheco Pinheiro hateten, orsamentu hirak ne’e rekolla liu husi ligasaun foun, sosa pulsa iha vendedor, leitura KBH ne’ebé kada fulan sempre hasai inklui multa bainhira ema tesi ai no karreta kait ruma.
” Orsamentu hirak ne’e hare husi resibu ne’ebé lori ba selu iha banku no ita konta tuir ida ne’e mak hodi kontribui ba kofre estadu,” dehan Julio ba jornalista iha nia kna’ar fatin Same, Kuarta (29/11).
Nia dehan, komunidade sira uza enerjia eletrisidade foufoun la selu durante fulan 6 ho balun. Suku ne’ebé konklui ona fulan 6 ho balun no agora daudaun tekniku sira komesa instala ona kontadór prepagu ba iha suku Grotu, Daisua no Tutuluro. Iha tempu tuir mai sei ba halo instalasaun iha aldeia Weberek, suku Dotik, no suku Mindelo, Postu administrativu Turiskai.
2,105 total views, 6 views today
Bele hare Video Seluk :
Subscribe to Timorpost
