MANUFAHI (Timor Post) — Ministru Edukasaun Juventude no Desportu (MEJD), Armindo Maia hala’o vizita ba Munisípiu Manufahi hodi haree kondisaun eskola no prosesu aprendizazen.
Iha vizita ne’e, Ministru Armindo ba Jornalista sira subliña, nia parte sei rehabilita eskola iha timor laran tomak liu atus rua (200).
“Sim, iha tinan 2021 ita iha orsamentu atu hadi’a eskola ne’ebé a’at iha teritóriu Timor kuaze atus 200 resin,” Ministru Armindo ba jornalista, iha Same, Sexta (23/07/2021).
Nia dehan, agora dadaun prosesu hela, neduni sei hadi’a mos eskola lubuk ida iha Manufahi.
“Ba tinan 2022 sei halo tan salan rihun ida ba eskola iha teritóriu Timor,” nia promete.
Observasaun Timor Post nota, eskola ne’ebé kondisaun a’at iha Manufahi hamutuk sanolu resin sia (19). (lcl)
619 total views, 3 views today
