MANUFAHI— Maizumenus haleu oras tuku 17:00 oras Timor Leste, ema barak hobur iha Postu Polísia Suku Betano ho laran tristi no susar ba haree Ofisiál Polísia Suku Betano Primeiru Sargento Abrão Mendonca mate derrepente iha nia servisu fatin.
Tuir imajen ne’ebé espalla iha grupu munisípiu Manufahi nakonu ho liafuan tristi no kuitadu husi maluk sira ba saudozu nia mate.
Iha terrenu, Parte polísia ho funsionáriu sira to’o kedas iha fatin akontesementu hodi haree diretamente ninia mate.
Iha fotografia ne’ebé Timor Post asesu haree katak saudozu primeiru sarjento ne’e nia pozisaun mate tur hela iha azulezu leten, sadere hela ba kadeira no kaer hela telefoni iha liman.
Ba dadaun ne’e mate isin transporta ona husi Postu polísia Betano ba matebian nia rezidénsia Suku Tutuluro hodi prepara ba serimonia funebre.
Entretantu kona-ba kronolojia husi akontesementu ne’e seidauk bele hatene loloos tanba parte polísia sei okupadu hela.
Prosesu transporta ne’e akompana husi ekipa komandu polísia munisi inklui mós F-FDTL postu Betano inklui funsionariu sira
10,152 total views, 6 views today
Bele hare Video Seluk :
Subscribe to Timorpost
