MANUFAHI-Iha fulan kotuk Institutu Jestaun Ekipamentu (IGE) hahú loke dalan hahú husi eis prizaun Weberek, suku Doti, postu administrativu Alas ba eis aldeia Kaikasa no Ailalek, suku Kaikasa, postu administrativu Fatuberliu, munisípiu Manufahi maibé ba daudaun ne’e sei paradu provizóriu.
Prosesu loke dalan ne’e aleinde hodi fasilita movimentu komunidade no prepara transporta material sensitivu no non sensitivu ba sentru votasaun Sarin no Sukaer Oan.
Xefe suku Kaikasa, Euclides Torresão konfirma, dalan ne’ebé IGE loke hahú husi Weberek ne’e foin to’o iha areadores Wesar suku Dotik tanba ekipamentu pezadus avaria tiha.
“Serbisu paradu kuaze semana rua ona tanba korrente ekipamentu pezadu kotu no daudaun ne’e ekipa tékniku sira sei ba hadia hela”dehan Euclidis ba Timor post iha Same, Kuarta (10/05).
Maski serbisu paradu maibé nafatin garantia katak serbisu sei finalize to’o aldeia Sukaer oan no aldeia Ailalek tuir tarjeitu ne’ebé iha tanba fatin refere bainhira eleisaun sei transporta mos material sensitivu ho la sensitivu ba.(lcl).
438 total views, 6 views today
