MANUFAHI (timorpost.com)-Sentru votasaun pre-eskolár Bairru Fatukilat ho kódigu númeru kaixa 00.85-0001, Partidu Libertasaun Populár (PLP) no Partidu Demokrátiku (PD), okupa primeiru ho votu hanesan 25 hotu.
Partidu Libertasaun Popular (PLP) ho númeru sorteiu 3 no Partidu Demokrata (PD) ho númeru sorteiu 4 okupa númeru dahuluk iha sentru votasaun pre-eskolár Fatukilat.
Nune’e tuir partidu Kongresu Nasionál Rekonstrusaun Timorense (CNRT), ho númeru sorteiu 12, hetan votu totál 23 no partidu Frente Revolusionáriu Timor-Leste Independénsia (FRETILIN) númeru sorteiu 11, ho votu 16.
Enkuantu partidu Kmanek Haburas Unidade Nasionál Timoroan (KHUNTO) ho númeru sorteiu 5, hetan votu 17.
Partidu Os Verdes de Timor (PVT) ho númeru sorteiu 6 ne’e hetan votus 2 no partidu PLPA no APMT hetan votu 1 hotu, maibé partidu sira seluk laiha votu. Enkuantu iha kontajen votus ne’ebé realiza iha bairru Fatukilat ne’e iha votus nulu 5.
Tuir observasaun Timor post nota katak, Sentru votasaun pre-eskolár Fatukilat, Aldeia Ainessi, Suku Fahinehan, Postu Administrativu Fatuberliu, Munisípiu Manufahi, hahú abertura eleisaun iha oras tuku 6:00, nune’e komunidade hakat ba votasaun iha oras tuku 7:00.
Iha oras tuku 12:00, komunidade partisipa hotu ona iha sentru votasaun hodi ezerse diretu votu, nune’e votasaun remata ekipa fiskaias partidu, brigada husi Sekretáriu Tékniku Administrasaun Eleitorál (STAE), Ofisial Supervizaun Eleitorál (OSE), Komisaun Nasionál Eleisaun (CNE), no membru polísia ne’ebé destaka iha sentru votasaun akompaña komesa iha loron detaka too votasaun hahú.
Prosesu eleisaun komunidade partisipa hahú dadeer-san tuku 07:0 no termina iha tuku 12:15, nune’e ekipa sira nafatin mantein iha fatin hodi hein prosesu kontajen. Nune’e kaixa votasaun ekipa hahú kore hodi fakar sai bulletin 03:02
Tuir observasaun Timor Post nota katak, maski iha kalan mosu udan ho espontañamente no dadeer-san abu-abu taka rai metin, maibé la hamate eleitór sira atu hakat ba fatin sentru votasaun hodi ezerse sira nia diretu.
3,228 total views, 3 views today
Bele hare Video Seluk :
Subscribe to Timorpost
