DILI (timorpost.com) – Parlamentu Nasionál (PN), nia esperansa ba Prezidente Konsellu Imprensa (KI), foun atu defende liberdade espresaun ba timoroan hotu.
Prezidente Parlamentu Nasionál (PPN), Aniceto Guterres, agradese no dezeju tebes ba Presidente Konsellu Imprensa (KI), Otelio Oté, ne’ebé simu mandatu foun, fiar katak sei serve no garante liberdade espresaun ho estavel.
“Ha’u dezeju tebes ba novu Prezidente Atuál Konsellu Imprensa nian, tanba atu serve KI nu’udar órgaun soberania ida ne’ebé atu defende ba liberdade espresaun, hodi anunsia informasaun ho di’ak ba povu Timor Leste atu emite,” nia hateten iha PN, Kinta (23/02/2023).
Nia dehan, Konsellu Imprensa nu’udar órgaun importante ba liberdade espresaun, no servisu ho imparsiál, Independente ne’ebé sai mós órgaun komunikasaun ba direitu liberdade ema hotu-hotu nian.
“Ha’u mós rejista avansu teknolojia komunikasaun, hanesan media online sira ne’ebé Prezidente Atuál KI, deklara sai iha nia diskursu, katak lei komunikasaun la temi, entaun ne’e hanesan dezafiu ida ba Parlamentu atu haree,” nia afirma.
Tanba Parlamentu Nasionál mós nu’udar órgaun ida ne’ebé lejizlativu iha kompeténsia tomak atu haree lei komunikasaun sosiál ne’ebé lá temi buat balu iha lei refere, nune’e fiar katak sei sistematiza ho di’ak.
“Ita dezeju tebes ba Prezidente KI, Otelio Oté, fiar katak servisu sei kria ho estabilidade, pás no armonia ba liberdade espresaun ho adekuadu”, nia esperansa.
1,881 total views, 3 views today
Bele hare Video Seluk :