DILI(TimorPost)—Inan isin-rua na’in-tolu mate iha sala maternidade, Hospital Nasionál Guido Valadares (HNGV) tanba sofre moras komplikasaun.
“Inan isin rua mate iha HNGV tanba hetan moras komplikadu”, dehan Xefe Parteira Gabinete Kontrolu Kualidade iha HNGV, Sara Maria, ba Jornalista iha knaar fatin Bidau Toko-Baru, Kuarta (05/04).
Sara hatete, inan isin-rua na’in-tolu ne’ebé lakon vida, ida primeiru mate tanba sofre diagnose heart trauma iha ulun fatuk. Inan ida transferénsia husi Hospital Referral Maliana ho moras komplikadu no ida seluk kauza hosi violénsia doméstiku halo nia raan fakar makaas entaun labele salva nia vida.
Inan isin-rua ne’ebé mate iha sala maternidade, Hospital Nasionál Guido Valadares ne’e dadus hosi fulan Janeiru to’o Marsu tinan ida-ne’e nian.
Durante ne’e Inan ne’ebé partu iha sala maternidade hamutuk 1.469 husi total ne’e inan ne’ebé partu normal hamutuk na’in-959, sira ne’ebé partu liu hosi sezariana na’in-360 no sira ne’ebé partu liu hosi instrumentu ka ventoja hamutuk na’in-150.
Bebé ne’ebé moris iha sala maternidade total hamutuk 1,485, no bebe moris kaduak hamutuk 33, bebé ne’ebé mate iha inan nia kabun laran hamutuk 43 no mós bebé moris ho kondisaun kidan uluk hamutuk 99.
Enkuantu, bebé mate ho kondisaun masaradu striver hamutuk 18 bebé, bebé mate ho fresh striver iha maternidade hamutuk na’in-sia ho peijo 105 kilograma no sira ne’ebé kilograma 199 hamutuk na’in tolu.
1,565 total views, 3 views today
Bele hare Video Seluk :
Subscribe to Timorpost
