ADVERTISEMENT

Parlamentu Nasionál Preokupa Labarik Nain-51 Afetadu HIV SIDA 

Mario da Costa - Saude
Jornalista : Estaziada Ermelida Caet
Editor : Mário da Costa
  • Share
Deputada Maria Angelina Sarmento, imajen TP/Ermelinda Caet.

DÍLI (timorpost.com) – Parlamentu Nasionál (PN), preokupa labarik minoridade hamutuk 51, ho idade menus husi tinan lima mai kraik hetán moras HIV SIDA no hadaet husi sira-nia uma laran rasik iha Territória Nasionál.

Vise Prezidente Parlamentu Nasionál, Maria Angelina Sarmento, hatete informasaun ida ne’ebé halo nia hakfodak tebes no halo nia tenke kuidadu ona, tanba durante tinan rua períodu kovid-19 ne’e ema hotu konsentra enerjia rekursus servisu ba iha kombate kovid-19 más moras hada’et hanesan HIV SIDA ne’e kontinua eziste no hada’et ba pasiente foun ne’ebé aumenta númeru barak.

ADVERTISEMENT
SCROLL FILA BA NOTISIA


“Governu liuhusi Ministériu Saúde tenke iha asaun ida ne’ebé konkretu, la’ós ministériu de’it mais Komisaun Nasionál ida kombate HIV SIDA ne’e tenke kontinua halo sosializasaun kona-ba oinsá maka ema bele hases an ka prevene an husi HIV SIDA”, nia hateten iha Parlamentu Nasionál, Segunda (26/09).

Lee Mós :
COVID-19: Governu Xina Apoiu Ekipamentu Protesaun ba Parlamentu Nasional

Nia dehan, HIV SIDA ne’e sai ameasa ida ba rai laran liuliu ba jerasaun foun joven no labarik sira, ne’ebé klaru ninia meius hada’et ne’e la’ós de’it ho tipu relasaun sexual, maibé bele liuhusi daun ne’ebé sona husi ema ne’ebé pozitivu ka afetadu HIV SIDA.

“Ha’u hanoin ministériu saúde tenke iha planu konkretu ida atu kontribui ba redusaun prevensaun ne’e, la’ós redusaun atu kura de’it maibé prevene liuhusi sosializasaun moris ida ke saudavel, ema ne’ebé kaben nain tenke fielidade iha uma-kain labarik sira tenke iha kondisaun di’ak ba sira moris nutrisaun sira-nia ai-han konsumu loro-loron nian”, nia hateten.

Nia hanoin preokupasaun la’ós Ministériu Saúde nian de’it mais Parlamentu Nasionál nian no mós sosiedade tomak, povu ka komunidade sira tenke atende ba situasaun ida ka progressu negativu ne’ebé iha kona-ba HIV SIDA.

Lee Mós :
Dili Mantein Konfinamentu, Munisípiu Neen Livre Hosi Sersan

Nia akresenta, iha fatores barak maibé ba iha inan sira ne’ebé iha moras HIV-AIDS ne’e hadaet ba sira-nia oan kuandu sira detekta ona pozitivu ho HIV-AIDA sira tenke ba halo tratamentu no mós lori sira-nia oan atu bele hatene, no kuandu tama ona ba iha faze AIDS ne’e defisili atu kura, ne’e atu trata to’o iha ne’ebé mós defisil.

“Maibé faze ida HIV SIDA ha’u hanoin Ministériu Saúde iha ninia programa regular ne’ebé sira iha ona durante ne’e atu bele ajuda sira ne’ebé foin hetan HIV SIDA ne’e atu halo tratamentu no tratamentu sein dikriminasaun”, nia dehan.

Lee Mós :
Moras Hadaet Hosi Relasaun Seksual iha Tendénsia Ass

Nia relata, populasaun ou pasiente sira ne’ebé afeta ona moras ne’e sira ba halo tratamentu hetán mal-trata linguajen ke ladi’ak husi pesoál saúde sira balu no ko’alia dehan tanba o nakar o nia inan nakar mak hanesan ne’e, ida ne’e linguajen ke lalos tanba nia pozitivu ona HIV SIDA Pessoál Saúde sira labele trata tan sira no labele hasai linguajen ida afeta ba sira-nia dignidade tanba sira hanesan ema sira mós iha direitu atu hetán tratamentu saúde iha fatin públiku sira ka iha sentru saúde sira ne’ebé iha duni dever atu haree ema sira ne’e.

 1,970 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Parlamentu Nasionál Preokupa Labarik Nain-51 Af…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No