ADVERTISEMENT

Sentru Saúde Manufahi Menus Rekursu Umanu no Husu Aumenta Tan Na’in-45

Orlando Oqui - Manufahi · Saude
Jornalista : Luis Casmiro Lopes
Editor : Orlando Oqui
  • Share
Diretora Serbisu Saúde Munisípiu Manufahi, Florença Corte Real. Foto TP/Luis Casmiro Lopes

MANUFAHI (timorpost.com) — Diretora Serbisu Saúde Munisípiu Manufahi (SSMM), Florença Corte Real, hatete, rekursu umanu ba serbisu saúde munisípiu Manufahi menus tebes atu destaka ba postu saúde 23 iha Manufahi.

Nia hatete, médiku sira ne’ebé uluk destaka mai iha Manufahi liu tiha ona tinan, entaun sira husu hodi muda fali ba iha nasionál no fatin seluk no iha fulan hirak liu ba médiku na’in-5 ba kontinua estudu iha Hospital Nasionál Guido Valadares (HNGV) atu foti espesialidade tanba planeia ona atu harii ospitál.

ADVERTISEMENT
SCROLL FILA BA NOTISIA


“Maibé haree ba rekursu umanu ne’ebé atu halo atendimentu iha sentru saúde ne’e menus teb-tebes, no ami menus liu médiku, enfermeiru no parteira,” dehan Florença ba Timor Post iha Same, Kuarta (02/08).

Portantu, iha sentru saúde Alas iha de’it médiku na’in-3 inklui xefe sentru saúde, no sentru saúde Turiskai iha médiku na’in-3 no mós sentru saúde Same no Fatuberliu menus médiku no ida ne’e susar tebes hodi halo serbisu.

Lee Mós :
Sentru Saúde Manufahi Rejista Moras IRA Aas

“Ne’e duni Manufahi presiza tan médiku na’in-15, parteira 15 no enfermeiru 15, total na’in-45 hodi koloka ba postu saúde 23 iha munisípiu Manufahi no sira ne’e mai bele sufisiente ona,” nia hakotu.

SSMM Husu Aumenta Tan Ambulánsia

Entretantu, Serbisu Sentru Saúde Munisípiu Manufahi (SSSMM) husu governu sentrál apoiu tan ambulánsia balun mai Manufahi atu nune’e hodi halo atendimentu transporte pasiente husi area rurais mai postu Same.

Diretora Saúde munisípiu Manufahi, Florença Corte Real hateten, ba daudaun ne’e Manufahi iha de’it karreta ambulánsia ida maibé daudaun ne’e karreta refere kondisaun aat hela no hodi ba halo hela manutensaun troka sasán ne’ebé aat.

Tanba ne’e, uza hela karreta multifunsaun ne’ebé iha kada postu Saúde hanesan Fatuberliu, Alas, Turiskai no sentru internamentu Same villa hodi suporta tula pasiente ba hospital referral Maubise.

Lee Mós :
EJDN Partisipa Formasaun Ba Dezastre Natural

“Maibé karik ami nia karreta ba foti tiha moras iha fatin seluk entaun ami husu fali kareta husi administrasaun munisípiu, bombeirus no administradór postu apoiu kareta tula pasiente ba hospital referral,” dehan Florença ba Timor Post iha Luak Same, Kuarta (02/08).

Tuir nia, ambulánsia aat kuaze semana rua liu ba ne’e bainhira atu ba tula pasiente ai baku iha suku Fahinehan mai Same maibé, tanba udan boot karreta mai fali mota mout tiha iha mota laran nune’e administradór munisípiu orienta tratór ba dada sai tiha no daudaun ne’e halo hela reparasaun iha Dili.

Manufahi iha karreta ambulánsia ida no karreta multifunsaun 5 ne’ebé 4 koloka ba postu saúde 4 no ida tau rezerva iha munisípiu hodi halo atendimentu bainhira presiza urjente.

Lee Mós :
MS Hetan Ona Vistu Kámara Kontas ba Sosa Ai-moruk

“Ita nia karreta ambulánsia la sufisiente no ita presiza tan karreta tanba ita nia sentru internamentu muda ona ba bubur laran luak nune’e distánsia dook uitoan ne’e duni presiza tan transporte,” nia esplika.

Portantu karreta multifunsaun ne’ebé iha ne’e karreta ne’ebé kleur ona hahú husi tinan 2008 mak hadi’a ba uza, aat hadi’a fila fali. Ne’e duni presiza tan karreta multifunsaun ida ba sentru saúde internamentu.

“Kona-ba karreta ambulánsia ha’u hato’o ona pedidu ba SNAIM atu apoiu tan ambulánsia 2 hodi troka malu tanba ambulánsia ida de’it labele halo serbisu ho didi’ak liuliu transporta pasiente,” nia hakotu.

 1,623 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Sentru Saúde Manufahi Menus Rekursu Umanu no Hu…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No