ADVERTISEMENT

Xanana Agradese Key Xavier Tanba Kontinua Halo Asaun Karidade Ba Povu

Mario da Costa - Manufahi
Jornalista : Jerimias Soares
Editor : Mario da Costa
  • Share
Lider Nasionál, Kay Rala Xanana Gusmão, ko'alia ho Emprezáriu Timoroan, Key Xavier, iha Postu Administrativu Same, Munisipiu Manufahi, Tersa (07/02), Imajen Esp.

MANUFAHI (timorpost.com) – Lider Nasionál, Kay Rala Xanana Gusmão, fó agradese ba Emprezáriu Timoroan, Key Xavier, ne’ebé loke dalan ba setór privadu Timor no internasionál hodi apoiu sasán nesesidade báziku ba povu Timor-Leste durante períodu surtu COVID-19 akontese iha mundu no Timor-Leste.

Xanana konsidera Key Xavier nu’udar emprezáriu Timoroan hosi Kompañia Bead Ford, ne’ebé ajuda nia hodi haleur Timor-Leste fó apoiu ai-han ba povu kbiit laek sira hahú hosi Dili too munisípiu sira.

ADVERTISEMENT
SCROLL FILA BA NOTISIA


“Ha’u agradese, ema nia oan ida Key Xavier ne’e, iha tempu COVID-19 nia maka hahú loke dalan la’o ho ha’u ho perkore Timor apoia ita-nia povu, depois maka ita-nia setór privadu sira seluk mós hamriik atu hatutan apoiu ne’e iha idak-idak nia munisípiu hodi ha’u ba to’o fatin balun para apoia ita-nia povu,” dehan Xanana Gusmão iha Luak, Munisípiu Manufahi, Tersa (07/02).

Lee Mós :
Xanana ho Timoroan Sira Haksolok ho Kardeál Virgílio

Nia dehan, apoiu ne’ebé Key oferese hodi ajuda povu inklui Igreja Katólika kontribui kapela iha fatin balun hamutuk ho setór privadu, autoridade suku, funsionáriu públiku sira nu’udar ezemplu fraternidade umana hodi lolo liman ajuda povu hirak ne’ebé presiza tulun bainhira enfrenta problema hamlaha no susar.

Lee Mós :
Deskonfia CB Oho feen Kaben Iha Aldeia Riatu

“Ne’e ezemplu di’ak, ida ne’e tenke sai kultura ba Timoroan sira atu hatutan imi-nia domin ba ita-nia povu sira ne’ebé presiza liu iha tempu susar,” nia hatete.

Iha fatin hanesan, Diretór Kompañia Beat Ford, Key Xavier, dehan apoiu ne’ebé nia oferese hodi tulun povu no ajuda Governu rezolve povu nia problema no preokupasaun sira bainhira hasoru susar.

Key konsidera apoiu ne’ebé nia fó tuir nia kbiit hodi fahe tutan ba hirak ne’ebé presiza tebes hodi sustenta sira-nia nesesidade uma laran.

Lee Mós :
PM Xanana: Vida ne'e Eskola ida

Nia hatutan, la’ós nia mesak de’it maka apoiu Maun Boot Xanana hodi viajen haleur Timor, maibé hamutuk ho setór privadu no Timoroan lubuk ida no internasionál oferese ho intensaun ida atu ajuda Timor-Leste iha prosesu konstrusaun estadu.

 2,219 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Xanana Agradese Key Xavier Tanba Kontinua Halo …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No