Dili (timorpost.com)-Sarani katolika Parokia Santa Teresinha do Menino Jesus Bedois, arquidiocese Dili halo via sakra dala uluk ba fo Cacussa, suku Camea.
Via Sakra ne hahu husi torre Telekomunikasaun iha Fatuahi husi tk 13 no termina iha tk 15 ho distansia mais ou menus 7 km.
Padre parokia Alberty Franco Morato molok hahu via sakra ne hateten katak via sakra ida ne ba dala uluk no sei halao iha nivel dioseze.
Alein de via sacra ho kruz nebe hatudu Jesus Cristo nia terus to fo calvariu, sarani sira mos hatudu sira nia nia sakrifisiu lori kruz ba to foho tutun Cacussa.
Momentu istoriku ne, sarani sira mos hiit estatua Nain Feto ba foho tutun atu hari iha foho leten.
Tuir planu estatua Nain Feto nian ne sei harii iha foho leten no sei inaugura husi Dom Virgilio Cardeal do Carmo da Silva,SDB iha loron 9 Abril 2023.
Tuir amu Alberty katak fatin ne sei sai fatin ba sarani hot-hotu atu vizita depois de hetan inaugurasaun husi amu Virgilio. Nune nia husi ba badaen no sarani sira nebe besik iha area ne atu finaliza lalais fatin atu tau Nain Feto. Nia husu mos ba sarani sira husi bairo Alelehun no bairu Lenokhun atu kuidadu mos fati ne.
Nain Feto iha foho Cacussa sei sai fatin ba sarani hotu atu vizita hafoin hetan inaugurasaun.
REFERENSIA: foho sira nebe durante ne sai fatin vizita sarani sira mak foho Ramelau Nain Feto, foho Fatubesi Cristo Rei, foho Matebian Cristo Rei, foho Ariana (Venilale) Nain Feto.
1,551 total views, 9 views today
